今晚做完gym
同平日一樣
同個fd一齊去撘小巴
一去到小巴站
我個fd就叫"有車啦!有車啦!"
之後就扯住我去追車
我話"唔好啦掛, 又要跑?"
佢就話"一係我跑過去慢慢上車, 咁你咪可以慢慢行囉"
好啦
之後我就跟住佢啦
我就一路掛住搵銀仔入錢
見佢上左車
"嘟"左
我咪又入錢坐低囉
之後司機開車喎
一秒之後
司機出聲 "小姐, 你去邊架?"
我地話粉嶺囉
司機即刻話 "呢架車去上水架喎"
我就望下我個fd 再望下個八達通機
3蚊????
平時俾開2個4架喎
之後........我就發現我地真係上錯左車.......
唉...... 架車轉左個彎之後我地就落左車啦.....
蝕! 蝕左2個4
我個fd蝕左3蚊 (因為佢用八達通)
我個fd仲搞笑
佢竟然問個司機有冇得退返錢.......-_-|||
搞笑! 唉............蝕左錢, 仲要行返屋企
唉........下次都係唔好俾佢帶頭
好彩我入銀仔
個司機見到唔對路問一問我地咋
唔係?
去到沙頭角都唔知乜事呀
危~~~~~~~~~~~~
不過算啦
反正我地兩個行返黎o個陣笑得咁開心
(自己笑自己白痴)
好耐都未試過笑到肚痛
值既~~~~ | 
