今日返工
一整個朝早就用大黎影相
當然唔係影我啦
係幫d小老闆影啦
佢地今日係數學遊戲日呀
玩得好開心呀
不過我諗再開心都係佢地有糖食
仲有機會跑餐死
有一段小插曲
影影下相部相機冇電喎
我就換左阿A同事之前俾我既士啤電啦
點知......
連機都唔著呀
我就走去搵阿A同事
我:你俾我舊士啤電冇架喎
A同事:你試下呢舊(遞左一舊俾我)
係我換電既同時, 佢話......
A同事:不過呢舊都應該冇電
我:下!咁你又俾我
A同事:之前俾你O個舊都冇架啦
我:下......
A同事:姐姐,部相機O係你度我點叉電呀
哇!!!!
勁興呀!
佢講到好似我搞到佢叉唔到電咁喎
我最唔滿意佢係部相機一直都放O係佢度
佢應該一早叉定D電
明知成日都失驚無神話要影相架啦
咁好應該叉好晒嘛
佢又唔係喎
仲要怪人地無端端話要影相喎
三舊電有兩舊係無電既
你話過唔過份 
最後好彩有個阿sir有舊士啤電借我姐
如果唔係我都唔知點交代呀!
仲有呀
食lunch o個陣
某幾個同事為左要出去食飯
叫我幫佢地替更
本來都冇所謂
但係我嬲係嬲佢地明知我未食飯
都唔會話就下我
等我食完飯先
之後仲好假咁問我"你食左飯未呀??"
好廢話囉我覺得
我話未你會唔出去食咩?? 
食完lunch
好快咁打好星期一份會議紀錄俾校長
之後就準備下印獎狀
跟住就收工
黎緊呢一兩個星期會好忙呀
因為我要清晒手頭上既工作先離職
費事下一手接手唔知點做嘛
今日同左好多老師講我唔做啦
大家都唔捨得我呀
因為我乖囉
呵呵 
其實我都好唔捨得大家架
因為佢地都好好人
好照顧我架
不過為自己前景打算
當然應該轉工既 | 
) 
