今日仲係好熱呀
熱到乜都做唔到呀
激死我
究竟仲要熱到幾時呀
我就溶啦

今日著左件背心返工
當然返到去著返件風褸啦
放工先除
有個好"健談"既阿sir見到我話
"哇, 你衫都唔駛著呀?"
我心諗
你邊隻眼見到我冇著衫呀
唔係唔著
係著少左姐
真係俾佢激死呀
不過當然我唔會嬲佢
佢份人係咁

放工去左新港城攞我件大碼衫囉
其實都係o岩o岩好咋
要快d減肥先得

今晚將呢個日記板d歌換晒呀
不過唔知點解成播少少就停左
搞乜鬼呀!

今日原本開始我個減肥餐架
即係一日中兩餐係食麥皮
一餐係正常餐
我原本計劃左早餐同晚餐食麥皮架
咁中午自己帶左飯囉
點知臨食飯o個陣
校務處阿惠姐搵我話陳sir請我地出去食飯喎
其實我都唔係好想去架
因為我帶左飯嘛
不過陳sir好早已經話要請我地食飯架啦
所以我又唔好意思推喎
咁咪唯有去囉
盒飯呢就唯有今晚食啦
唉......打亂晒我既計劃
又要遲一日開始我既減肥大餐啦
激死我啦!!
不過有人請食飯
算啦!

食完飯拎左兩件衫去新港城一間boutique換
唔o岩著呀 
我真係要減肥先得啦
就黎買乜都唔o岩著啦
有件仲要特登訂呀
佢話冇咁大件喎
衰人!

而家四出收集情報
睇下邊度整負離子好
諗住呢兩日去整啦
整定返新工嘛
費事好似而家咁不修邊幅

今日好努力咁睇埋孟老師借俾我既dvd
因為要走之前還返俾佢呀
終於睇晒!

中午去左同阿媽佢地飲茶
同埋對面屋梁太佢地幾母子啦
冇錯
係我俾錢
因為佢地成請我地食野
請返佢地飲茶囉咪
又食左好多野啦

同阿媽去惠康買左好多野呀
當然最主要係我既減肥食品啦
買左麥皮呀
準備聽日食麥皮餐呀
呢個餐單就係我禽日買O個本雜誌教既
決定聽日開始啦
我減肥生涯呀!!!
我要努力呀
我要著返中碼褲呀!!!

今日放工過左新港城行街
其實都唔係行街
去睇下d髮型屋既價錢
我想整負離子呀
雖然之前o係粉嶺整開
不過我覺得唔太好
直得唔夠耐
所以想試下第二間
格左價先
再決定去邊間整

之後等到妙姐放工
就一齊去食飯
去左椰林閣囉
幾好味呀都
今次第一次去
下次再去先得
同佢傾左好耐計呀
一齊行左好耐
之後佢老公黎接佢囉
之前都係睇相見過咋
今日都係第一次見
好cute呀
肥嘟嘟咁
又係小眼睛呀
佢係湯先生
佢介紹話可以叫佢阿湯
我聽左阿tom

買左本忽然一周睇
當然唔係睇八掛新聞
只係今朝返工搭火車時見到有個女人睇緊本書
係講減肥既
後來俾我發現原來係忽然一周送既減肥餐單
咁當然買黎睇下啦

今日係小朋友既最後一日返學
咁即係話我係最後一日見到佢地
我當然係要趁大息搵佢地影下相啦
不過都係同d低班影咋
佢地鐘意影相多d
好開心呀
佢地爭住同我影呀
呵呵!
不過時間所限
唔係個個都影到

想星期六去整頭呀
不過仲未決定到去邊間髮型屋
再諗下先
一係馬鞍山
一係大圍
仲有冇其他choice呢?