今日lunch又有餐食啦
就係歡送o個餐
當然我都係被歡送既其中一個啦
食左好多野呀都
仲有紀念品送俾我呀
係學校送既
係筆一枝
我好鐘意呀
可能因為我好鐘意呢度每一個人
送乜俾我都好鐘意
我都好唔捨得大家呀
不過冇計啦
都係o個句
要為自己打算下
大家都對我好好
唔知......
第日仲有冇機會見到佢地呢
以我第一份工黎講
呢份工真係好好
做得好開心呀
雖然人少少
但係都好熱鬧
(佢地好鐘意講野)
聽日返去要同d小朋友影下相先得
因為聽日係佢地最後一日返學啦
我就會返到29號
唔放annual
因為手上既工作未清晒
而且我又唔去旅行
放成個幾禮拜假都會悶死呀!

呢排做野一定好辛苦啦
因為我又勁買衫啦
今日又買左3件
洗左200蚊度

今日係同學仔既派位日啦
我一早返到去已經見到佢地異常興奮啦
我心諗一陣你地分分鐘變晒面
原本話睇戲架
不過都冇時間啦
因為要有好多派位後既工作要做
例如做返個派位既統計表俾d家長睇下等......
如我所料啦
無論男或女
派得唔好既都一定會黯淡神傷架啦
不過有個好搞笑喎
佢自行派位報左可風
不過今日派左沙田官中喎
都幾正呀
沙田官中好難入架嘛
點知......
佢唔鍾意呀
仲喊呀
你話係咪俾佢激死丫
呢個同學仔平時已經好搞笑架啦
佢做風紀o個陣好惡架
會鬧人架
又唔俾人做乜
唔俾人做勿
食完飯掉垃圾都唔得
有個阿sir話
有次行過佢守o個班
聽到有人鬧人
佢心諗邊個老師咁興鬧得咁勁呀
當然退避三尺啦
點知原來係佢

9點左右d六年級就走晒啦
成績唔好o個d當然係要去敲門搵學校啦
真係辛苦
而家諗起我都覺得自己以前好好彩

我越黎越憎我屋企成日迫我食野
特別係宵夜呀
成日食乜食勿
成日問我點解肥左
我都想問返佢地點解我會肥 
晚晚都9點幾先食飯
唔肥就有鬼
呢頭食完飯
o個頭又買乜買勿返黎
話唔食又唔得
大佬呀
我會飽架
真係煩死人!

今日返工
完全係準備同學仔派位既野
忙足一日呀
要整理d文件呀
影印返黎存檔呀
整塊有關區內中學既展板俾d家長睇
好多野做呀
派位呢d野梗係有人派得好有人派得唔好啦
有幾個好叻既同學都派得冇咁好呀
所以......大家都預左聽日會喊到七彩呀
有個班主任話聽日要帶埋眼藥水返去同佢地一齊喊咁話喎
校長仲要準備寫推薦信俾佢地去搵學校呀
有排忙呀
聽日佢地就要應付d家長啦
仲唔死
一定煩死呀
好彩我唔駛理姐
d家長好鬼麻煩架
自己仔女咩料唔係唔知架
派得唔好又係度勞勞嘈嘈巴巴閉閉咁 
真係命都短幾年呀
聽日我就會抱住睇戲既心態返工啦
好衰啊!!!

睇完獎門人啦
今晚係最後一集
唉.....
冇睇啦
下個星期做o個套一定唔好睇
你話我話啦
最衰都係無線呀!
嬲死佢呀!
唔制唔制唔制!
我要睇獎門人呀!
唔睇我訓唔著架嘛......

今日返工
又係印成績表既延續
好彩最後搞掂晒
原本今日個工作計劃打亂左
唯有星期一做返啦d野

放工
約左明姐同妙姐去飲茶
我同明姐去潮州棧等位先
可能早去啦
都唔係好多人姐
等左半個鐘度就有位啦
點知到妙姐放工
要陪冰姐去睇跌打
佢整親條腰骨呀
叫佢請半日假又唔肯
真係俾佢激死呀
等到妙姐黎都成點幾lu
我地先開始食野喎
我叫左好多野食呀
因為第一次去
好多野都好想試下
卒之大家都食到好飽飽

明姐個仔仔做暑期工俾人呃糧呀
呢d衰人真係告佢就差唔多啦

夜晚出左去阿婆度
食飯睇電視掃地
走!
舅父車埋我地返黎
中途呢就車d野去荃灣俾姨丈囉
咁我地就遊車河囉
去到姨丈樓下
見到有班人
有警察
有一個男人同一個類似的士司機既男人哎交
後來聽講個男人俾100蚊個司機
個司機話冇錢找喎
可能咁就奉旨唔找錢掛
其實藉口黎姐
我記得附近應該有d舖頭架
不過收左舖未我就唔知
但係四圍都有人
落車問下有冇人有100蚊散紙都得架
屋村又有管理員
一定會問到有人有囉
我覺得有心找錢既一定有得找
我肯定佢想呃人錢!

呢個世界真係幾多衰人!