今日扮病請左半日假
點解?
梗係大件事啦
去見工囉
又係北區既中學
唔係上次o個間
上次o個間梗係冇行啦
今次呢間又係山卡啦
不過都好方便架啦
慳返d車錢

去到填左一張好簡單既form
一頁
你話幾簡單!
之後就做typing test
分兩part
part1係做返黎到填o個張form
得5分鐘整個form
真係做唔晒 
part2係整個表打數字入去
一見到d數字
我就勁興奮呀 
4年既馬會訓練就係為左呢一日!
呵呵!
我真係好感激馬會
打得好快呀
唔駛5分鐘就搞掂
我仲好有信心d數字係全對!
做好test等左一陣就in啦
唔係見校長
係見秘書
可能秘書覺得ok再見校長掛
佢問左我好多問題呀
都係有d識答, 有d唔識啦
唔知點答咪好坦白咁同佢講"我唔清楚""我唔係好認識"
唔通呃人咩!
吹水人地會發現架
不過總體黎講
我覺得今次表現比上次好好多
可能始終都係教學助理既職位
做慣做熟
人地問到都識得答啦

其實都開始唔想做教學助理
我想做行政助理多d
因為發展會好d
經驗會可貴d

今日返馬會
竟然見唔到我夢寐以求既靚仔呀!!!
坐到佢o個行都冇用啦
個人都唔o係度
真係好衰架!!
邊個衰人批佢放假架
除左搞到我地冇心機做野之外
仲搞到冇人加班
你知唔知佢唔返工影響幾大呀????
得返兩次返工咋
仲諗住見得一次得一次架嘛
點鬼知佢唔返工喎
激死我呀!!!!!
好彩之後話要做end又唔駛姐
我幾鬼開心呀!
即刻衝出門口拉咭
衝去撘車呀!!!

出到新城市
食左杯A1既ice-cream
好好味
雙球架
係白朱古力同石板街
好味
不過我好論盡
彈到成身都係
之後去行街囉
睇鞋
想買對皮鞋見工
不過而家想買對便服鞋多d
lesauda o個對粉紅色
好似300蚊度
想買想買
好軟熟架
一定好舒服

撞到Edgar
佢仲係咁高喎!!~

踏腳機一個鐘!
yeah!
唔知瘦左幾多呢

今日臨收工
老細拉左我入佢房傾計
其實有乜好傾丫
咪又係想叫我唔好走
o係度做埋下年囉

其實佢都知道最大問題係人工啦
我都好老實咁話佢知
無論人事同埋工作環境都好好
我都做得好開心
但係個問題係......
我覺得呢度唔係我想要既野
人工太低啦
我負擔太重(學費)
根本真係o岩o岩夠
(o岩o岩夠係因為我平時洗得少)
如果買多少少野
真係冇錢交學費架喎!
而且發展又唔太好
我始終都讀左咁多年書
而家做既野同埋收返黎既都唔成正比
究竟係咪我既能力低????

我係呢度真係做得好開心
大家都對我好好
見到d小朋友我又好開心
我都好唔捨得大家
但係......
始終都要走
我又唔係等退休
今年走同下年走
有分別咩???

佢又同我講左好多因素
話而家呢個環境好適合我讀書
佢又話佢會幫我爭取加人工
不過老實講
底薪咁低
加極都唔會到我想要既水平啦
所以我都係話考慮下先

不過佢都話
如果我真係搵到另一份好既工
都唔緊要
佢都好鼓勵我地有更好既發展囉
佢真係一個好好既老細

不過而家諗又好似太早啦
有人請我先算啦!

今日10點期待以久既紅雨黎到啦!!!!
但係我一d都唔興奮喎
簡直係無奈囉
其實紅雨我都唔走得架啦......
野就要照做
果然係讀書幸福d

今日lunch同姚老師 & 孟老師出去食
lunch time時已經冇乜雨啦
(天文台都唔知搞乜, d雨都落晒先掛紅雨)
去左新港城元綠食
好耐冇同佢地出去食啦
嘻嘻
好味!
我連孟老師o個份都食埋呀
(唔係我大食喎, 係佢細食之嘛)
偷雞晏左幾個字返去
行返去o個陣
撞到幾個女同學o係商場
佢地仲叫我幫佢地影張相
(佢地仲話我影相好叻呀, 梗係啦, 你地平時活動d相都係我影架)
返到去又繼續做野啦
我感覺到
我呢幾個星期會勁忙
活動週就到啦
唔好計其他野
淨係走黎走去同佢地影相都夠死呀!

差唔多放工o個陣
廖萬石堂中學打俾我叫我星期一去in
我禽日先寄咋
真係高效率呀!
I like it!!!
唔知今次又掂唔掂呢?
上次o個份我諗都唔得架啦
唯有寄望黎緊o個份啦!

呢兩日唔知真係忙得滯
定係病呢
唔係咁舒服
成日都好眼訓咁......