仲有一個鐘就收工啦
一諗到聽日唔駛返工
我就有種莫名既興奮
呵呵
今日Jordan打俾我
約我今晚出去食飯
仲有小如同阿牛喎
不過我諗我都係唔去啦
我唔係咁習慣即興
我一早plan好去跑步嘛
唔想打亂我既計劃
Jordan, 下次約我記住早d呀!!!
而家等緊收工同阿惠姐同"居"
返到去就換衫落街跑步!
粉嶺球場
等我呀!!!!!!!!!!!!!!!!!!!

今日去親愛的既日記版睇過
佢真係好乖乖呀
真係日日都有寫日記架
我都要好好好好俾心機先得
好似親愛的咁勤力

係喎...
今晚要諗下報唔報急救班先得!

聽日係端午節
我真係超級開心
唔係因為有得睇龍舟
都唔係因為有得食粽
係因為有日假放呀!!!
我由禽日開始已期待緊啦
難得放多日假喎
雖然有日bonus holiday
但係我都仲未安排節目呀
你會約我嗎?
可能都係o係屋企訓足一日
咁都幾幸福呀

今日返工好忙呢
都幾多野做呀
可能因為聽日放假
所以我想今日清左d工作先
今朝就係咁打字打左一朝
抽晒筋

今日放工要去跑下步先
我成個星期冇跑啦
趁隻腳冇咁痛
去跑下
減下肥!!

我把老牛聲幾時先好返呀???
又唔病嚴重d
等我可以請病假嘛.....

一陣去邊度食飯好呢?
唔......想去元祿!

今日放工真係去左實現我跑步既願望
好開心
好舒服呀 
出左一身汗
雖然唔知有冇瘦到
不過我諗會健康左
今日跑左一個鐘咋
原本諗住跑個半鐘
不過諗住隻腳剛剛先好返
都係唔好太盡
如果唔係再傷過就麻煩
所以好小心咁跑左一個鐘就算啦
做左d cool down就走人
唔知係我太耐冇跑
定係因為今日真係太熱
我流汗既volume比之前跑多左
真係濕到阿媽都唔認得
睇下聽日去唔去到啦!~~~

跑步時有一個男仔幾ok
好fit (當然肥既係多過fit既)
體能又好
都幾吸引
佢俾我既feel係似消防,警察o個d形囉
好正!
仲要半裸黎跑喎
真係殺食!
除左減肥
跑步仲可以"欣賞"男仔
唔錯呀~~~

愛上你
愛上跑步!

好無奈今晚又要返馬會
真係貧撲
好彩今晚有親愛的同埋翠欣陪我
仲有見到偶像!
雖然今晚冇上次咁靚仔
但係都不俗丫
幾時可以唔駛過呢d咁忙既生活呢?
我都想知......
唔駛分身既日子真係舒服好多

少茵話我知City出左成績啦
不過我都仲未上網睇
唔敢睇呀(冇眼睇  )
我真係驚我會考得差.....
最好唔好肥就得啦
我個目的都係畢到業就夠
o個d咩First Hon我真係諗都唔敢諗啦......
唉...
做學生做到我咁都真係幾悲......

我只打算.....
只打算留在你身邊當你的好友
不讓你知道我對你的感覺
不向你發出一丁點的暗示
只希望你把我當成你身邊的朋友而已
這就足夠
深知我配不起你
亦覺得我不是你心目的女神
只要是跟你閒聊
就算再無謂的話題也覺得甜如蜜
但我真的有這機會嗎?
我只覺得
你好像連一句話也懶得跟我說.....
真的這般乏味嗎?
我叫自己堅持下去
繼續喜歡你
繼續在你身邊支持你
但是
真的很氣餒
有時也希望你會猜到我對你的心意
但你好像沒有察覺到
我也很想告訴你
我在為你改變呢!
我想你不會知道......
我也不會讓你知道......