好耐冇寫日記啦

呢排真係好忙

除左幾份projects

仲有幾個test

真係得閒死唔得閒病呀

仲要學日文

學做gym

同埋返工喎

終於輸到我d時間唔夠用啦

前兩年仲成日話好得閒, 冇野做

原來final year真係會忙咁多架喎..

好辛苦呢!!~~~

辛苦晒我d同學仔呀

個個都忙到透唔到氣~~~:p

今日巴巴撘飛機走啦

佢去到機場打過俾我

傾左一陣啦

其實真係好唔捨得佢架

因為呢兩年

我地又唔識既同學仔

變成好熟好好玩既好朋友

大家一齊做功課

做project

佢又成日都幫我

我地既感情變得好好

雖然佢成日搞我個頭

但係我唔會嬲佢架

我知佢鐘意我佢先會同我玩嘛

而且我都好鐘意同佢玩架

佢唔讀我都已經覺得好可惜

唔可以日日見到佢

同佢一齊玩

而家佢仲去埋外國讀書

我梗係唔捨得架

但係佢有一條更好既路

我應該祝福佢既

巴巴

過到去要小心身體呀

俾心機讀書

唔好成日百厭

其實我真係好唔捨得你架

我會掛住你架!

快d搵份part-time

儲d錢返黎探下我呀

又或者第日我過到黎

你要帶我去玩呀!!

如果大家之前有睇過我個日記

應該記得我話返工時識左個男仔

佢係我以前d校友黎架

我上個馬季識佢架

(話就話識, 不過我都仲未知道佢個名)

呢個馬季見返

同佢做左hi-bye friend

呵呵

其實我成日都好想同佢傾多d計架

唔知點解呀

見到佢o個陣覺得好有親切感囉

或者係因為大家係校友啦 (我地同一個form架)

原本我諗住如果今日見到佢我就同佢傾多d計架

(因為我今日返工時間唔同左, 返夜晚, 如果咁都撞到就好有緣)

點知真係撞到喎

好開心架

不過返到去見佢同個女仔傾緊計

咁我梗係唔阻住佢啦

之後我有我同d friend傾

佢又有佢同佢d friend傾囉

到放工

其實原本我有機會同佢傾計架

我比佢行得快

我去左第10卡

佢後來又到左第10卡

不過大家都冇主動同對方傾計呀

後來佢唔知係咪驚左我呢

仲走埋去第12卡.....

唉.......

我都好想主動d架

不過我又好唔自然喎

每次見到佢都好似怪怪地咁

兩個人都怪怪地...

唔通我地唔夾?

次次見到面都係hi同bye

我唔好意思咁主動同佢傾計嘛

又唔係坐埋一齊

坐埋一齊都可以話傾下計打發下時間丫

唔係坐埋一齊我就唔敢同人傾咁多嘛

點知人地鐘唔鐘意同我傾喎

而且我咁主動

我驚會嚇親人呀!

呵呵

點算好呢?

唔通以後都會係hi-bye friend?

咁太奇怪啦......

希望遲d真係有機會同佢傾到計啦

我真係好希望同佢做到朋友架

點解?

因為我覺得佢會係一個好人囉

今日阿旋話我知佢有睇我個日記呀

好開心

竟然有fans喎

佢仲問我點樣開個日記

等我得閒教佢

或者幫佢開啦

原本我諗住會冇人睇架

呵呵

點知佢今日同我講話佢有睇喎

我幾開心呀!!!

咁我要努力d寫多d日記先得

佢仲話會教我日文

我又多左個日文補習老師啦!

我d日文一定會進步神速!

禽日返工見到阿牛

佢話我瘦左

幾開心呀!!

可能開左學啦

返學放學

行黎行去

咁運動多左就自然會縮水架啦

遲d做埋gym

仲瘦呀

期待

希望瘦多少少

可以著衫靚d

不過最好塊面瘦晒

成日都唔瘦塊面

點都減唔到

唉

失落