今日戴左成日口罩
都幾辛苦......好焗啊! 
其實病情都唔算好嚴重
不過為他人著想
都係唔好散播病菌啦

今晚約左親愛的去唱k啊
期待已久
就算唱到啞都要去呀!!! 
至多聽日唔返工架姐

個日記板開左咁耐
終於有一個人訂閱啦
呢個當然係我既親愛的啦!
幾咁令人振奮!
你話我以後點可以唔努力d寫日記呢
為左我既親愛的
我一定會好好好好好好好努力
就當答謝親愛的既支持  

距離放工仲有一小時十五分鐘
而家呢d時間
真係一分鐘都嫌多......
有野唔想做原來先係最痛苦架
最好快d放我走

等待等待等待等待.........

終於都病左啦
有d感冒
有幾聲咳
最慘係今日仲要返工
聽CK call
都幾多call呀
到臨收工o個個幾鐘
我直情唔想講野
唉......
係病就病嚴重d
等我可以請病假嘛.....

放工返黎
冇乜野做
睇下電視
入幾封信入信封
咁又一晚lu~
聽日又要返工
真係有d唔開心.....
快d到星期六就好
可以放假
yeah!!!

今晚約左幾個舊同學去食飯
幾開心丫
大家好耐冇見啦
一齊出黎癲返晚嘛
雖然落雨
但係一d都冇影響到我地既心情
好懷念以前讀書既日子
好懷念以前o係SPACE既日子
同大家嘻嘻哈哈既日子
真係好掛住大家呢
而家都過唔返o係種日子啦
果然係讀書時識既朋友係最珍貴最單純
好珍貴既一晚
唔知要到幾時先可以再同佢地見面
同佢地講無聊野 
而家大家各有各忙
好難見到lu
我會掛住你地架
你地會嗎???

今日特登請左日假去見工呀
去上環紅十字會
未去已經開始好緊張
仲早左好多出門口
因為知自己唔識去
所以就早d出門口囉

最後早左成半個鐘去到呀
再等左大半個鐘(都差唔多一個鐘呀)
我係第一個in
雖然我覺得自己表現都好大方, 好淡定
但係我覺得我機會唔大
一黎有d問題我唔係好識答
二黎我點都係少d經驗嘛
個職位做既野都幾複雜
我都覺得自己未必做得黎
所以到最後我都打定輸數
而且就算今次ok
都係有機會second in咋喎
不過點都好啦
我都已經聽天由命架啦
或者另一份工我都會有機會呢
唔擔心.......^_^

其實唔應該o係度講d咁唔開心既野

不過我相信你地唔會介意既

禽日去左個朋友既葬禮

雖然唔可以話好好朋友

但係我同佢都係同學一場

而且我同佢一齊去實習

一齊經歷左好多野

真係好唔捨得佢

我地一大班同學一齊去

去到我都忍住自己唔准喊

但係聽到佢d教友o係度唱聖詩

就忍唔住啦.......

有d女仔都忍唔住

一齊喊

後來仲見佢最後一面

見到佢屋企人可以咁冷靜

我覺得自己好冇用

咁都忍唔住喊

雖然呢件唔係一件好事

但係經過左呢一件事之後

我覺得我同好多同學感情都好左

同原本唔熟o個d都熟左啦!

咁先係一班架嘛