今日返工
好清靜呀
因為今日只有我同fion
Iris同埋其他同事去左旅行
所以叫左fion今日留o係校務處幫手囉
今日依然係好忙咁預備開學d野
仲工傷呀
部影印機jam紙
我clear paper時灼傷左
好彩唔係好大撻姐
不過而家都有兩條疤痕呀......

放左工又出左去做機囉
阿Ring話我瘦左好多
比我初初去o個時瘦左
梗係啦
我都輕左成10磅架

今日又買左野啦
呢個生日送左好多野俾自己
可能呢排轉工辛苦掛
而且九月之後想行下街買下野都唔得啦
前幾日我買左兩件衫一條褲同一個公仔八達通套俾自己
今日呢
就再買多左對綠色converse啦
洗左好多錢呀
不過冇所謂啦
開心就ok! 
阿媽今晚同左我去Mabelle
佢話買鑽石俾我喎
呵呵
可惜我一d興趣都冇喎
遲d先啦
我仲未駛戴鑽石鍊
都係d cheap野o岩我d 

下午上左Apple(阿婆)度
破紀錄呀!
未夠6點就食晚飯
食完飯
太眼訓啦
o係梳化度訓著左 
訓到7點半度就走人啦
可能太奔波
最近個人好似好累咁

今日食左好多野呀
又汽水又蛋糕
仲有一小包芝士圈
唔知又會肥幾多
唯有下個星期繼續努力啦
遲d返學成日坐
唔知個車軚會唔會出返晒黎
好擔心! 

好清靜咁就過左個生日
好享受一個人既安靜
係咪我太習慣一個人呢?
定係我太耐冇試過兩個人呢?

終於出左拼圖啦
你兩個有運行呀!
全香港都認得你地!
呢期仲紅過我既小眼睛
得閒出下旺角啦
大把人圍住你地呀
全港警察請你地飲咖啡
曾特首都特別招待你地呀!
你地有福啦 

Dear my fds

相信大家見到我呢個日記板
都發現今日佢有d唔同左
當然
我好努力咁整左d野俾我個板板
就係o係左邊menu度加左一個shoutbox!
係乜東東? 
咪係一個好似留言板既物體囉
其實我都未試過用架
我都唔知好唔好用
不過等我d好朋友可以用黎留言俾我嘛
當然
你地用返個日記板本身既留言功能我都好歡迎

又一次覺得自己好叻 
咁樣我都識得整
(其實我研究左好耐)

今日又有tea食
范sir請食tea呀
請晒校務處既staff (即係我有份)
工友啦
仲有lab tech.
勁豪呀!!!
不過我減肥中當然就唔敢食咁多野啦
只係叫左一件三明治
仲有一杯凍檸茶囉
我已經好內疚啦!!! 

好多野做呀
呢句野每日都o係我既日記度出現
嘻嘻!
不過我就真係冇好似我同事咁
每日都將呢句說話放o係口邊
成日都話好忙好多野做
唉.....
o係度埋怨咁多做乜呀
係咪講左就唔駛做丫?
俾錢請你返黎梗係要做架啦
人地搵你做野都係信得你過姐
你又唔鐘意
仲要搞到坐o係隔離既我好唔自然
不過算啦
佢都算係一個好好既同事黎既

七歲小朋友都可以落手?
你係人唔係呀?
如果我係個天我一定保佑你
保佑你長命百歲
多病多痛
有錢冇命享
身邊既人出賣你背叛你
(原來我都可以咁毒!)
曾蔭權講得好!
好一句"人神共憤" 

呢個星期全部老師返晒黎
搞到個校務處迫到死呀
好多人o係我側邊轉黎轉去
我個位又迫喎
真係要再減下肥先得

呢度d老師普遍都算係後生呀
around廿幾三十咁囉
可能因為要同d學生打成一片
所以請d後生d掛
當然我所講既後生包括我自己啦! 

同d老師開始熟啦
因為佢地多左搵我做野嘛
所以溝通多左囉
佢地好多都好好人既
不過我反而最驚係副校長喎
佢個樣真係好鬼惡好鬼認真
比校長更嚴肅咁
一見到佢我就驚到震呀

今日收到馬會既roster啦
慘......
下星期三已經要返工
仲要返2000-2400
哇
一見就眼都突埋呀 
放2400???
返到屋企都成點鐘啦喎
沖埋涼點半
咁都要成兩點先訓得???
第二朝仲要返工架......
我一諗到9月開始我既生活係點
我就真係想喊呀....
返工返學&返工
仲邊有時間出去減肥呀.....
唔制呀.....
唔想唔想.....

而家已經係兩點幾啦
今晚見hkdiary開到
我當然係乘機copy返d舊日記過黎啦
一搞就搞到兩點幾
其實我都覺得自己幾貪新忘舊架
咁快就換日記
不過冇計啦
鬼叫佢自己唔爭氣咩?

其實今日已經好累啦
做足一日野都不在話下
放工仲出左去做treatment
唔得啦
真係要訓啦
唔係聽日又好辛苦咁返工架啦