今日做足14個鐘
可能暑假真係太嘆啦
好似唔係好慣咁喎
勁辛苦 

返JC俾人話
哼!
係你教得唔好之嘛
仲要話我
又唔俾人practice
我識賣啦
仲兩條咁多呀
多謝你show過一次咁多喎! 

開始掙扎我係咪仲應該留o係度
真係太累啦
而且又想讀多一科......
點算
已經煩左成日 

我今日既工作情況都唔駛多講
都係一個字
忙 

我d同學不斷咁說我報埋星期六o個科喎
而家都full晒啦
打算有人drop既話就會報囉
到時JC又要請假
好彩唔係好多日跑星期六
如果唔係請假都請到傻呀
睇下呢兩日有冇人drop先啦
都未必報到架啦

好眼訓呀
今日都好累
訓覺啦 

又係最討厭既星期一呀
又要返多四日先有得放假呀
不過我相信呢個星期會過得好快
除左返工超忙之外
仲要返學同JC
諗起都想喊呀!

好眼訓呀! 
剛放學返到黎
今日係第一日返學
都算係開心既
因為見到好多同學仔嘛
成兩個月冇見啦
不過大家都冇乜變到
仲係咁靚女
開始上堂o個陣悶d囉
break完之後就開始好玩啦
因為翻譯菜名同埋食譜呀
好搞笑
d餸名真係估都估唔到
好難譯
不過好得意 

我d同學讀埋今年就grad啦
到時咪得返我一個囉?
咪冇人陪我做project囉?
唔制呀.....
唔開心 

返唔返埋星期六好呢?
返埋星期六又可以讀多幾個credit
但係.....真係一至日都唔停喎
真係會好辛苦架喎.....
但係又可以同我d同學一齊讀喎
點算點算? 

今日又係開鑼日啦
意味住我辛苦既日子又到啦
好彩有翠欣陪我囉
好彩我地都有好多野傾
唔係真係會好悶
不過今日因為部拉咭機搞到我遲左
真係激死我
今日應該唔好計啦
衰人! 

見到偶像sammy哥
佢肥左喎
佢自己都認架
唔係我話佢
不過佢就話我瘦左
當然啦
我有努力減肥架
雖然佢肥左
但係佢依然係咁吸引!
我話肥左都唔怕啦
追多兩次車都瘦返
點知佢話佢唔係追車
係打尖喎
我心諗
你終於承認你打尖啦!
好搞笑

聽日又係失落既星期一啦
又要返工返學
我呢個典型既學生今晚先check個timetable咋
呢個學期快d過就好啦!

今晚同左上官既朋友去食晚飯
小如, 蘭蘭, burt, 肥ben, 陳偉倫, 堂堂, 文文, 弱智
好熱鬧
文文帶左我地去佐敦食上海菜
間餐廳好grand架
d野都幾好味
大家又食又傾
真係好開心

食完晚飯我地仲走左去食甜品
好好味! 
之後就一齊搭車返黎啦
因為我地有d人聽日要返工
而且大家都累啦
所以唔玩咁夜

但係今晚都係一個好好既meeting
因為大家都好少機會見
間中出下黎玩下都唔錯
雖然唔會無時無刻都有野傾有野講
但係總括黎講感覺唔錯!
真係全靠文文好辛苦咁做搞手呀
如果唔係我地既meeting要無了期咁等

我真係越黎越愛我既朋友