今日放假
本來都諗住禁食架
不過....走左去做乖乖女
諗住難得放假
去左陪阿媽飲茶囉
之前食左d蛋糕先去
(蛋糕都幾肥架)
諗住落到去就齋坐啦
點知又係忍唔住
食左少少野囉

返到屋企
個肚又餓囉
咁咪又食左兩包麥餅囉
夜晚已經叫食少左野
兩啖飯
有d咖喱薯仔&雞
仲有菜
好似好健康咁呢!

聽日又要返工啦
點算呀?
我想放假
(雖然已經放左兩日)
個個星期日晚都特別灰

今朝終於都有勇氣上磅啦
用左屋企o個個指黎指去既磅磅
輕左差唔多7磅呀
當然係空肚磅啦
所以到下午食返野就應該重返啦
不過我都已經超開心啦
因為我好似輕左
仲好似瘦左少少呢
我條腰出返黎呀
有幾條牛仔褲仲好似鬆左少少
真係唔錯
減左半個月已經開始有成績
我一定要繼續努力先得啦
加油呀!

一訓醒就出左去做treatment
佢地都好忙呀
我搞掂晒走人都已經4點幾啦
夜晚返到屋企
破戎啦
食左碗飯
唔知會肥返幾多呢
冇計呀
成日都冇野落肚
只係食左飽
唯有食返碗飯
不過已經係少肉啦
下星期開始又要禁食啦!

唔覺唔覺
原來我返左新工已經兩個星期啦
慢慢開始習慣啦
習慣個workplace咁鬼多人
工作亦都開始多
同以前一樣啦
都係d瑣碎既工作囉
不過唔錯
幾順利啦
同事已經認得晒啦
而老師都認左一半啦
進度都幾好呀我覺得
而家既工作真係比小學複雜好多呀
以前我就要服待廿個人
唔知而家要服待60個又會點呢?
我諗唔會癲掛

今晚有人請食住家菜
正!
不過都係食少少咋
減肥中嘛!
下個星期要搵晚俾d勇氣鎊下幾重先得啦
我估輕左掛
因為我真係瘦左少少少少......

今日係中五會考放榜呀
本來都唔係好關我事啦
因為我都考完好多好多年啦
但係我而家o係中學度做
咁當然係佢地開心唔開心既同時我就忙到嘔啦
而且我又係第一次o係中學度做
d野我完全未接觸過
所以我真係超級緊張呀
我超驚又做錯野呀
好彩無驚無險姐
佢地就放榜
我就好似考試咁
佢地一定係o係度試緊我既工作能力
呵呵
老師都認得五五六六啦
仲有d冇蒲頭既未認到囉
見多幾次應該ok架啦

今日又食
食乜?
生果涼粉囉
不過我好乖呀
我冇落糖架
ice-cream都唔落
我要減肥嘛

放工出左去做treatment
今日做瘦面機呀
連cherry都話我塊面好頑強呀
好擔心呀
我唔想要呢兩個叉燒餐包呀!!!
cindy
不如我用兩個叉燒餐包同你換兩條車軌啦
好冇呀???
返到屋企
食左低B奶+格格脆
希望唔會好肥啦

今日又黎啦
又食野啦
佢地今日整沙冰呀
點解佢地真係咁鐘意食野架?
我飲左半杯木瓜奶囉
仲有少少芒果椰奶囉
仲食左一小件芒果cheese cake
哇
真係增肥呀 
唔好講笑
所以放工行路出火車站
當做下運動囉
真係好豐富呀
呢度日日都有野食架
佢地成日請我食野
我真係好唔好意思呢
我又減緊肥喎
唔想食咁多野
但係又唔好意思唔食喎
真係矛盾啦