今日放假
不過一份功課都已經令到我好頭痛
繼上次睇左好杰既雪山飛狐之後
今次到我落手譯啦
少林銅人 
已經好好彩
因為唔係好大篇
而且又唔係好多招式
不過難度係譯d名
洗髓經 (聽都未聽過)
藏經閣 (點譯呀?)
俗家弟子
等....... 
已經總算譯好
不過仲未修飾呀
所以都未算完成
仲要繼續努力

今晚同少茵佢地已經決定左星期二既詳情
"媽媽島"之旅
好期待呀! 
我一定會影好多相返黎
快d到星期二呀!!!

真係估唔到
原來阿will大過我....
我一路都以為我大架嘛
真係太surprise啦!! 
可惜佢有女朋友丫...... 
呵呵!

搵到個可以整到幾靚既相簿
不過要俾年費喎
用唔用好呢?
但係靚喎......
仲可以整background music架!
考慮......

又話開半日會
終於今日我咪返左成日工囉 
同佢地開會
都幾多笑料架
我覺得佢地唔似老師
個個都好似大細路咁 
中午跟埋佢地出去飲茶
返到黎又繼續
搞到我今日返唔到學
我諗我話佢地知我要返學佢地一定會俾我走
不過做會議紀錄又點可以做一半架?
我既責任心話我知我唔可以咁走左去
不過開左成日會大家都好攰啦
之後仲話要洗樓喎
睇下校舍有乜要維修/改善
連呢d我都要跟住黎記低d野
今日既會令我見到校長係一個好執著好長氣既人囉 
呵呵!
5點幾我走左先
(係狂跑咁走)
因為我要趕返City交功課呀
好驚遲左要扣分! 

今日o係天台個學生活動中心度俾度門夾度 
事緣我見度門閂埋o個陣咁鬼嘈
諗住搵隻手推一推佢
等佢唔好咁大聲
點知隻手擺錯位
俾度門夾度d手指
加上俾我手執住既原子筆插損左
唔知好彩定唔好彩
冇人見到
咁即係冇人救我喎
勁慘呀
而家仲痛緊呀
都唔知d骨有冇碎到...... 
到而家都仲隱隱痛呀
一陣要搽返d跌打酒先得

今日見到阿will著制服好型呀! 
本身已經幾靚仔既佢
著埋航青團既制服
真係英爆呀!
唔知下年會唔會輪到我要帶活動呢?
我見阿will呢個IT人同埋3個Lab Tech都要帶活動喎
我又駛唔駛呢?
如果帶我要帶女童軍架啦喎
不過航青團都好似有女仔架喎!

好男人.....
身邊既同事都係好男人
但係都台草有主
我o個陣o個種好奇妙既感覺唔知準唔準....
一句話"男人三十一枝花"
原來係真架
呢d男人先係最吸引
好charm! 

今晚用msn同巴巴傾左一陣計
好開心喎
好耐冇同佢傾計嘛
我而家有個咪
一有時間就可以同佢傾啦
又可以一齊講無聊野啦
so good! 

禽晚個日記開始壞壞地
時好時壞咁囉 
今晚終於俾我發現左個原因
原來就係個人數計壞
即係供應個人數計既網站壞左去唔到
所以搞到我個日記板load極都load唔到
而家換過個啦
所以安全啦 

聽日要返去開會
真係慘
要take minutes
真係手跛呀! 

突然間諗起聽日要交o個餅錄音帶未錄晒喎
仲差兩日
等我一陣錄埋佢先

今晚掛住整個日記板
又冇做到功課.......
噢......
點解我冇做馬會好似仲忙左既?
係我做多左無謂野
定係我功課真係多左呢? 

禽晚少茵話如果我星期二想去秋祭
趁機見下我王子既就去啦
唔啦.....
或者我王子都唔想見到我呢
呵呵! 
梗係同我既好朋友去玩緊要d啦
王子喎
每日都總會見到一次咁多既!
有時好彩仲會多過一次架!

要快d錄埋餅帶
之後訓覺
聽日要早d返去準備開會既野呀.... 

已經鐵定左星期二去南丫島
好期待
我要同我既朋友好好咁癲返一日 

王子星期二會去圍村既秋祭呀...
係學校一年一度既大活動
今年輪到佢去呀
我都有諗過報名一齊去
為左見佢嘛 
不過我又要同我既好朋友去南丫島喎
所以都係算啦

阿sir你終於明白我地平時聽書係幾辛苦呢?
咁你就應該好好咁體諒下我地啦 

功課好難做
個食譜仲未搞掂
好擔心做唔晒
最衰星期六要返工
開會喎
要我take minutes喎
明明有個人負責十週年既野
咁點解十週年既會要我開
點解唔係佢開呀?
unfair!!!! 

仲有兩日既錄音未做呀!
聽晚返黎都唔知有冇精神同時間做呀!

禽晚杯咖啡真係太勁啦
搞到我成晚都訓唔著
今日就慘啦.....
下次真係唔好作賤自己呀! 

今日我既王子唔止同我點頭呀
佢仲同我揮手打招呼呀!
真係勁冧呀! 
不過今日佢落少左黎
佢真係好少落黎呀.......
快d影多d筆記啦
咁你就會落黎多d架啦!

放工返黎
又做我好唔想做既功課
就係錄音
唉.....
一次過錄返咁多日既野果然係好辛苦
仲有另一餅要錄呀
o個餅係做視譯.....
仲難..... 

開始左我份翻譯食譜既功課
真係見到個菜名都已經唔想譯呀....
豬血粿
問你死未? 
我真係聽到未聽過
做左少少已經唔想做
但係唔得啦
星期六要交啦
再唔做我死梗架! 

快d到星期二啦
我好想去南丫玩呀! 
我要同我既好朋友一齊拍返輯寫真呀!
我想轉過第二個網上相簿喎
yahoo, sina o個d太普通啦
你地有冇好介紹?
要user-friendly
仲要可以整到好靚架喎
好友們
要幫我留意下呀!

background music轉左
係我鐘意既林一峰
我好鐘意佢把聲
好sweet
唱歌好好聽
唔知你地覺唔覺?