今日食左藥
依然係好攰
手軟腳軟
返到學
阿olivia miss講野好快呀
搞到我地個個都好緊張咁
今日有6個同學做左一分鐘present
抽簽o個陣我幾驚呀
我未有心理準備嘛
唔想講住
好彩我今日未有份
下兩個week先啦

今日下午我睇醫生o個間康健打俾我
姑娘問我食左藥有冇乜唔妥
哇 
你咁問係咪即係意味住我應該會有d唔妥呢?
我話冇呀
係食左有d手軟腳軟
個人好攰囉 
姑娘話呢d係正常架喎
不過今次d藥的確係幾好
已經冇咁咳啦我
不過我好奇怪
乜醫務所會有d咁既售後服務
打電話黎問我食藥食成點既?
我真係未試過呀.....
真係好surprise...... 

真正脫離左馬會啦
今日阿欣幫我搞埋d手續
雖然有d可惜
因為賺少左錢錢
不過為左健康著想
係要忍痛割愛架啦
而且而家讀多左幾科
有好多野要準備
唔可以再好似上個sem咁求求其其架啦
而家每個星期都有個星期日俾我休息下
咁都唔錯
可以備下課
睇下書
訓下覺
咁先係人生
如果只係顧住賺錢既人生
好快就會覺得厭
我要好好享受而家讀書既日子

想考日文能力試四級
如果靠自己自修唔知o唔ok呢?
旋旋
可以俾d意見我嘛?

誠徵3分鐘present既topic呀!
我要諗3個
而家諗到
(1) 申訴專員公署
(2) 廢物處理
仲有一個呀.......

一個o係屋企高談闊論自己個二奶既男人
賤格
一個"通知"自己老婆話去深圳睇二奶既男人
下流
一個明明做錯野仲要大條道理話自己冇錯既男人
無恥
一個將d錢俾晒個二奶
唔俾錢屋企既男人
正八公!
一個完全是非癲倒既男人
冇腦
點解呢個世界會有d咁賤既男人
點解個天咁冇眼
點解俾佢享齊人之福?
自己一手破壞既野仲要去怪人?
你要人地尊重你?
你有咩值得人尊重呀?
賤人!
正good try!
我呢世都會記住你做過既野
我呢世都唔會原諒你
我呢世都唔會理你
我以你為恥!
放心
我一定會咀咒你

今日請左病假
一黎頂唔順戴住口罩返工
二黎我都覺得自己應該好好咁休息下

今朝阿媽陪左我去睇醫生
醫生話我已經好緊
個肺冇乜雜音喎
但係我就覺得冇乜好過
佢話開d勁d既藥俾我喎 

之後同左阿媽去食早餐囉
食完佢就返工
我就返屋企食藥囉

d藥果然係勁左好多
食完之後個人手軟腳軟咁囉
勁訓呀
唔好講笑
真係行兩步都冇力
仲要手震震喎 
希望聽日會好d
因為聽日要返學嘛

阿欣話我知佢搵到工
真係恭喜佢啦
所以佢會辭馬會
我為左我健康著想
同埋我朋友都離開馬會啦
我都辭啦
因為捱左半個月返工返學返工既日子
我就捱左一身病痛出黎
我d朋友都好心痛我啊
朋友們
我唔會要你地擔心我架
以後我會有更多時間做我鍾意做既野
同埋可以同你地見面囉!

今日比禽日又咳左好多
d同事見到我都好驚
個個都話
哇, 你仲未好返呀! 
係呀....
有d仲話你做乜唔請假呀
你有病假架嘛 
係啦係啦
我聽日請啦所以
聽日真係要去睇下醫生
再咁搞落去我真係驚我會肺炎呀
最重要就係攞醫生紙囉
聽日請假要用
星期六馬會請假都要用
所以一定要記得問佢攞 

今晚終於都搵到人幫我doub帶啦
當然就係我地親愛既旋旋啦
佢簡直就係我既救星呀!
我真係愛死佢呀 

已經決定左聽日唔會返工
同埋夜晚唔會返學啦
因為我真係覺得我需要好好咁休息下
我聽日會用黎訓覺同埋錄音
仲有去見一見我親愛既旋旋

今晚只係食肉碎粥
因為病情冇好轉
咳左好多
條氣越黎越唔順
所以我已經準備訓覺啦
聽朝一早同阿媽去食個早餐
之後佢陪我去睇醫生囉
有咩聽日再報告

今日返工
依舊蒙面 
因為竟然仲咳左!
冇計啦
繼續焗桑拿
今日又唔係好忙啦
可能佢地見我病掛
所以冇乜俾野我做 

放工返到粉嶺
又忍唔住買左兩件衫
忙碌同辛苦既生活總要有d野調劑下架啦
所以我又買野啦
不過買完我就好開心 

返到屋企就不停咁做功課
係做錄音o個份
每日做一次架
每次做一篇中文一篇英文
練oral喎
我呢
人地叫我每日做
我就一日做返晒之前咁多日 
所以除左食飯停左一陣之外
其他時間都好似個傻婆咁對住錄音機係咁講呀講呀
話就話每篇一分鐘
錄一分鐘唔難呀
但係用一分鐘錄一篇好既就冇可能
所以最終我做到11點半先錄左9篇(中英文各9篇)
唉.....
已經病架啦
仲要我講咁多野
太辛苦我啦...... 
因為有另一科我都要交呢d錄音
所以我而家諗住搵部機doub左佢
但係唯一既希望係聽日返工睇下有冇d咁既機
如果唔係我就慘啦
又要錄多次
錄完真係失聲啦!