今日唔知做乜鬼
個醫療室好鬼旺!
仲叫左兩次白車呀
真係經典呀
其實邊係咁大件事丫
而家d年輕人真係小事化大呀
小小事就搞到好大件事咁
我地細個有幾何去醫療室架
真係暈左先去得架
佢地成日黎幫襯個醫療室
搞到我地招呼佢地招到做唔到野 

君蘭d熱狗都幾好味
不過衰在又係凍冰冰
我仲飲左一罐寶礦力喎
正! 

又洗左錢
又衰買衫啦
係咪呢排真係太辛苦呢?
定係只係俾左個藉口自己呢?
買左一條牛仔褲
一件背心
一件背心褸
一件中袖衫
一件長袖衫
差唔多換季啦嘛
要入定貨架啦
呵呵

越黎越覺得佢好好仔
好斯文好有禮貌
每次入到黎見到我都會同我點頭架
我最鐘意見到佢笑
嘻嘻!
一個好有魅力既男人! 

今晚同阿媽一齊食左個好豐富既晚餐
麥當勞!
好飽!

今日olivia miss send e-mail俾我
叫我打俾佢
話佢叫我做o個個contact list有問題喎
唉.....
佢d要求真係高到冇人有呀!

星期五就係環校跑比賽
我地office隊呢排成日都練跑
好勁呀佢地
我當然只有打氣的份兒啦
跑呀?
唔好失禮啦!
嘻嘻!
阿will今日講笑話星期五派我出喎
佢講下姐
我練都冇練過呀
行就差唔多

返工既日子都幾悶
同以前唔同
以前可以柴娃娃
而家呢.....
同同事之間始終都仲係有隔膜
已經冇乜野傾
更唔好話傾心事傾密計
呢個就係轉工既代價
有後悔
不過......
我都係唔好諗返轉頭啦

又洗左好多錢
今次唔係買衫
係買書
皆因我放工走左去行商務
(唔駛返馬會所以有時間)
買左三本書
一本俾阿媽
一本俾細佬
一本我自己
我自己o個本係達文西密碼作者既處女作
數碼密碼
唔知唔好睇

旋旋打俾我
好開心又同到你傾計呀
下次要出黎傾
好想同你地去玩呢!

今晚上文學翻譯好精彩呀!
olivia miss密集式咁講呀講
講完alice's adventure in wonderland
就講佢譯既雪山飛狐
真係聽到嘔呀!!!

今晚返到屋企終於忍唔住
叫阿媽煮左個公仔麵俾我食
已經好厭食d凍既三文治同沙津啦
好想食返d熱食
一個月咋......
以後既日子都係呢d凍既三文治同沙津
點捱落去呀?

乜城大有疏散咩?
點解冇疏散我地架?
到我放學o個陣都仲係咁多人架?
都唔似發生過咁大件事既?
唔通佢妄顧我地既安全?
真係唔睇新聞我都唔知發生過事呀

諗起聽晚唔駛返馬會
真係幾令人振奮呀!
我已經plan好聽晚做乜啦
真係好充實!

今日病情好好多啦
已經唔駛蒙面返工
我d同事都話真係好
梗係啦
唔駛對住我呢個病人嘛 

今日依舊冇乜野做
可能開學都上晒軌道
好多野都搞掂晒
所以工作量開始少
咁都好既
等我可以成機休息下

今晚返學食左一件碎蛋三文治
之後更加受唔住同學既誘惑
買左一杯大柯華田飲
好豐富 

唔想睇雪山飛狐
好悶呀!
我情願繼續追我既達文西密碼好過

今晚放學先知原來我上司打過電話俾我
佢留言話想我星期六返工
叫我覆返佢
覆鬼覆馬咩
都成9點幾囉
聽日先傾都得啦
點解星期六要返工架?
唔係10月1咩?
唔係放假咩???
唉.....
仲等我大安旨意有兩日假放
真係失望! 

今日過左一個好悠閒既星期日
一訓就訓到點幾
之後起身食下野 
睇下電視
睇左旋旋借俾我既神怪錄影帶
可惜冇字幕
所以唔係好明
始終冇左個翻譯o係身邊嘛
之後食左藥又訓
真係好勁呀d藥
訓到我傻下傻下 

夜晚又睇notes
今次文學翻譯做雪山飛狐呀
幾high呀!
真係唔明佢寫乜
我一向都唔睇武俠小說架嘛
真係頭痛呀! 

聽日要返工啦
放左三日假之後
真係唔想返工呀
好慘!
又要等到星期六先有得再放
好彩黎緊既星期六都唔駛返學姐
咁就真係放兩日啦!

原本想link旋旋個日記
但係全部都係日文
我唔識睇喎
旋旋你開返個中文架啦
我地d姊妹唔識睇日文呀!