今日又返city傾功課啦
一傾就傾兩份
真係辛苦到死呀!
人地傾兩日既功課
我地組兩個鐘頭就搞掂

Johnnie病左呀
肚疴
見到佢真係好辛苦
又唔肯睇醫生
真係幾驚佢捱唔住呀!

搭火車見到文文
講開去旅行
佢話想去西藏喎
文文
咁你就真係要好好咁plan下啦
下年既夏天好快到架啦

又買左衫
唉......
太辛苦啦最近
一定要買野先得
(又俾藉口自己)

下個星期有兩科要考
真係想死!

今日test左d生字啦
二十份notes刨左我幾日
終於捱過左
不過我都唔知o岩左有冇一半
絕對唔係因為我唔熟
而係佢出左好多notes冇既野
真係俾佢激死呀!

olivia miss今日講到下個星期既考試好易咁喎
都唔知係咪昆水架
佢成日都昆人架
信佢一成都死呀!

今晚返到黎拿拿臨準備下個星期o個兩個present
做到而家先叫做搞掂晒聽日開會既野
聽日要開兩個會呀
真係人都癲呀! 
仲有餅錄音未做呀
本來今日要交架
不過未做咪唔交住囉
遲早都要交返架啦
因為計分嘛
真係一分都不能放過呀 

呢兩個星期真係忙到扒街呀 
(請大家容許平時斯斯文文既我咁粗俗)
我而家真係發覺讀5科係會痴線架
尤其是勁多功課同present既時候
唉......

決定左christmas只係去澳門玩二至三日
因為我地幾個人都唔識路去珠海
仲有要同少茵佢地去打邊爐
期待快d考完試
可以去玩! 

乜12月27係紅日咩?
我竟然唔知喎
牛牛話我俾王子迷到乜都唔知 
都係佢了解我!

阿媽話我識得好多好人
係呀
我都覺得係架
我d朋友個個都係好人
我d同事個個都係好人
我既哥哥
成日無條件咁幫我整電腦
同事阿will
一知道我部機壞左就叫我拎返去俾佢整
(雖然已經整好左)
眼鏡舖叔叔
唔收錢咁幫我整眼鏡

我真係好幸福呢!
一直有一班好人o係我身邊

其實哥哥星期日晚已經打俾我話搞掂左部機
不過我一路都冇時間去拎
所以今日同完d同學去朗誦比賽
返到黎上水都仲要搭車出去拎機
雖然累d
不過今晚唔拎又唔知幾時先得閒
好開心又見到哥哥
好親切既笑容
呵呵
佢好好人
幫我install返晒我要用既software
我返到黎已經乜都齊晒
只要裝返個office就ok!
太好啦!
佢實在係太細心
我好想請佢食飯呀
一黎佢今次幫左我整機
二黎咁多年佢都成日教我整機
我一有問題就主動幫我
不過佢又唔駛我請佢
佢話請佢食雪糕就ok喎
真係俾佢激死呀!
哥哥
俾我請你啦
一係你當陪我食飯啦!
我部機而家好似新既一樣呀!
超開心!

阿清話我瘦得好快
佢已經唔記得我o岩o岩做呢份工o個陣有幾肥
可惜係要代價架
就係要一個星期返五日學
咁就即瘦!

今日由我帶隊既女同學實在太可愛
令我諗起自己細個o個陣係幾飯團......

整爛左副眼鏡
真麻煩!
聽日又要拎去整
我聽日咪要戴con囉?
好唔舒服架喎......

今日係同事威廉既生日
大家好開心咁搞左一個小型既生日扒地
有一個芝士蛋糕
一個雪糕蛋糕
好好味!
大家仲影左幾張相呀
不過我仲未得閒load上網
好開心我慢慢融入佢地既圈子啦!

話時話個雪糕蛋糕好靚好Q!

今晚present左第一part
唔係咁好表現......
做乜要催我喎
一開聲就催我
係咪玩野呀???
我只係講左一句咋
咁快就話冇時間?
唉......
灰呀......