今日係我期待已久既南丫島之旅
一早起身(同返工一樣咁早) 
就搭火車出去join埋Fanny
出到中環碼頭
我同Fanny係第一個到
等齊人好趕咁就上左船
呢架快船都坐到我暈暈地 
真係叫我去東泙洲就真係死得
落左船就真係乜都唔駛做
所以今日我撘船o個陣就一直合埋眼休息
希望等自己冇咁暈
點知......
有d衰人影我訓覺個樣囉
我下次一定會報仇 
落左船先發現好多人去喎
仲以為唔係咁多人
可能今日係假期啦
一路行
我地一路影呀影
乜都影一餐 
我地由索罟灣開始旅程
行到半路
見到一間好特色既舖頭
我同少茵一人買左一頂cap帽 
Tammy就買左一件披肩同埋心口針囉
佢地仲襯我地買野既時候
o係門口同狗狗影相
之後一路行就到左蘆蘇城泳灘啦
d沙真係好幼
我覺得絕對可以用水清沙幼黎形容呀! 
我地弄潮呀
見到人地游水
我都好想游呀
所以決定左下次要帶埋泳衣去玩
我有艷遇呢!
識左個靚仔Peter 
真係正呀!
佢住上水架
好近我
所以我叫左佢得閒黎粉嶺搵我
玩完水水
就走去行山山
(我地今日真係嬉山又嬉水呀)
都幾辛苦呀
因為我從來都冇行過山
不過少茵話呢條路已經係易行架啦
咁我都同意架!
而且沿路景色真係超靚 
最後到左我個短期目標
食阿婆豆腐花
(已經差唔多3點, 呢個係我地既午餐)
本來想食凍既
點知冇晒喎
不過熱食都好味
真係滑過我呀!
補充完體力之後就繼續我地既旅程
入到市集啦
好多野睇
有好多好特色既舖頭
真係幾靚
其實我有好多野都想買架
不過我覺得d野都係偏貴囉
所以真係要忍手呀
行左好多間舖頭之後
我地又去食野啦
我同Fanny食餐蛋麵加黑豆漿
少茵食牛腩河呀
Emma同Tammy就食生菜魚肉
我地仲再加個煎釀三寶呀!
正呀!
真係又平又好味呀 
食完又繼續行繼續睇野
到6點幾就差唔多行到去榕樹灣碼頭
我地就搭返船走啦
呢個時候大家都已經好攰啦
(梗係啦, 真係玩足一日, 絕無欺場呀!)
所以一上到船我就訓到豬咁
我連佢地有冇訓都唔知
都費事理啦
我訓左先
嘻嘻!
我同少茵都晒到紅晒
我到而家都仲熱熱地
以我過往既經驗得知
我好快就會白返啦
最後Tammy搭巴士走
我地幾個就走去香港站搭MTR
臨走少茵問"你地搭咩車去中環站呀?"
我真係唔識答呀
香港站仲要搭車去中環站咩? 
唔係行過去架咩?
少茵你一定係中左紫外線毒
搞到你諗唔到野呀!
咁就過左一個好開心既假期呀
下次想去半月灣游水(其實即係玩水)
下次我一定會做足防晒準備 
我而家要去敷返個馬屎先
美白馬屎呀!
| 
