今朝七點幾已經返到中學
搞乜?
又要帶個同學去比賽
真係俾呢個同學激死呀! 
太活躍啦
佢仲要猛咁話唔去比賽
我真係要不斷咁安撫佢
真係好tired! 

之後又去左又一城
食肯德基
絕對唔係因為我想食
而係諗唔到食乜
又要搵個地方可以坐耐d
填滿個肚之後又返city
今日考埋最後一科囉
未夠鐘考o個陣
我就坐左o係梳化諗住溫下書
點知越睇越眼訓
最後都頂唔順
訓左一陣 
雖然我隔離有個猛男坐左o係度 
不過呢d咁累既時刻都唔理得咁多啦
訓下先
唔係考試o個陣點頂呀?

考試d MC好淺
真係完全照抄呀!
不過essay就難d
我例牌老吹啦
今日考試勁disturb呀!
又成日開咪講野
d instruction又唔清唔楚
陳大河hall個地下勁響囉
應該規定監考既人要一律著波鞋!!! 
大叔:請各位同學o係MC紙上寫返你地個名
我(勁遲疑):寫名??? paper可以寫名架咩??? 
見到四圍d同學一準備拎起筆寫名
另一個大叔又哎停筆!
勁無奈......
呢個考試就係o係一堆遲疑之中完結左

考完試
成個人鬆晒 
即刻同埋carman, josephine, 表表一齊出尖咀行街
未試過同佢地一齊出去行街
首先食個indonesia既tea
之後就勁行街
打俾阿媽
阿媽叫我快d返屋企
佢話灣仔暴動 
又話封左灣仔站
終於開戰啦!
我當然要繼續行街啦
我要同我既好同學一齊去玩!
夜晚一齊去左鋸扒 
正!
不過食唔晒......

睇到報導
好唔開心...... 
點解要搞到咁樣呢?

開多左一個blog放我既文章
當然係o個種好文學既文章啦......
因為我要練返好d文筆

今晚放工同左成班同事去烚烚烚
成班miss
真係唔係去玩都見唔到佢地呢一面呀!
成班玩得好癲呀!
我竟然做左好文靜既一個!
呵呵!
可惜既係我王子竟然唔去......
唔開心呢!
算啦
唯有等下次啦

王子唔開心呀!
應該係工作上唔如意啦
係咪太多野做
太大壓力呢?
我都好唔開心啊......
唔好咁啦
放鬆d啦好冇
大家都好擔心你呀!
尤其是我!

呢兩日都幫手考中文oral
又同王子有工作上既合作
呢兩日見到佢好認真咁同d學生考oral
o個個樣真係殺死人呀!
我仲不時咁偷偷望佢呢! 

雖然已經差唔多係聖誕假啦
但係我依然係超多野做喎
不過可能係就黎放假
大家都好開心啦
所以最近office既氣氛真係好好
大家傾得好開心呢!

繼上次見到王子打籃球後
今日見到佢踢波呢!
因為成班阿sir放工冇野做
走左去操場踢波 
我唔敢走去睇呀
只係o係閉路電視度偷望咋
不過放工o個陣行過
就見到王子射波啦!
真係超級開心呢!
迷死人! 

o個日同阿智講起去澳門
佢話有一次佢去澳門見到我地中文科既一個阿sir
佢話唔記得佢係咩名
阿智:中文科架, 好靚仔架 
我一諗就知係我王子啦
因為我知道王子有去過澳門嘛
但係我費事咁明顯啦
都扮諗左一陣先講個答案出黎!

聽晚會同中文科d老師去打邊爐
原本都冇我份架
不過莊sir約埋我同jessica
咁就一齊去囉
因為我王子都有可能去嘛 
(我仲未知佢去唔去呀)
所以我當然冒住肥佬既危機
唔溫書都走去同佢地食飯囉!

買左幾米既calenda
要放o係我既辦公枱!
我要好好咁佈置下我既辦公枱!
yeah! 

o個日carman話我讀完個degree可以教中學
我話我唔教
因為教書都幾辛苦
我之後又發夢咁同佢講
如果我而家呢份工係我最後一份工都幾幸福
其實呢d完全係我真心話
我唔係唔上進
只係我希望我可以o係度搵到可以照顧我一生一世既人姐
雖然呢d係小女人諗法
但係耐唔耐俾我小女人下都得掛! 

今日d老師去晒另一間屬校上個教師發展日
我本來可以好得閒
可以溫下書
點知原來今日有d中七同學返黎test
所以我要幫手監考
由9-4
真係累死我
企得又攰
攰就坐下
坐低又眼訓 
真係死得!

阿will今日出去同d老師影相同埋拍片
佢返到黎個樣都好攰
個個老師返到黎都好攰呀!
家倫老師今日著得好型喎
加埋副眼鏡
好似d商界鉅子咁喎
又邊有人估到佢係PE阿sir呢

今晚返左city考試呀
無驚無險又過左
我諗應該會pass既!
已經同d同學仔傾好去邊玩

我將會有好多節目
17號考完試就同班同學仔去行街食飯睇燈飾
19號放工就同annie miss去行街食飯
23號呢就同上官朋友去食飯
25號同肥豪佢地去東涌打邊爐
2627號就去澳門之旅!
yeah!
真係好精采呀! 

終於都中招!
死未???

今日同禽日一樣咁悶
又係訓醒
食飯
睇電視
訓晏覺
溫書
發夢......

咁又一個星期日
快d考完試等我可以去玩啦!!!