今日去左商務
又入貨啦
買左成4本書咁多呀
真係豪!
不過有樣激氣野
我之前買o個本數位密碼
竟然由百幾蚊減到四十幾蚊
哇!
眼都突埋呀!
係咪咁誇呀?

上interpretation既堂上到好悶......
一個星期兩堂真係唔好玩
開始考慮下個sem drop intro to interp
因為想上同一時間既legal translation
不過都未必有位
到左add drop period先算啦

Literary Translation又俾功課!
救命
都未有時間準備個present
又勁俾功課......
真係乜時間都俾佢霸晒呀!

好眼訓啦......
想乜都唔做走去訓覺
but一定唔得啦!

今日經過永安拎左d旅行團資料
要準備聖誕之旅!

睇緊公益金
唔唱K個頭好核突
好似平時咁咪幾型
做乜標奇立異呀?
黎明就真係越老越靚仔越有男人味!
正!
以前既四大天王入面
真係得佢睇落最後生
其他都好老
阿王減完肥就更老

最近想睇戲
好耐冇睇啦......
但係又唔知有乜戲好睇
更加唔知自己有冇時間

fanny約我一齊去睇男人之虎
不過冇乜票賣啦
一黎貴啦
二黎12月頭我就考試
唔可以走堂
唯有聖誕先去睇
fanny記住提我早d訂票呀!!
如果唔係又冇得睇架啦!

今日有桃姐既愛心雪梨水
正!

成日都要對住部電腦入data
真係想死!
一班有8科
全校有30班
咁即係我有成240科既分數要入
哇!
好恐怖!
放工o個陣對眼都矇到一條線咁呀!

今日終於搞掂晒d獎狀
真係艱辛呀! 
仲要浪費左好多張
因為有d print得唔靚
又要再print過
o個個老人家(部colour printer)
禽日叫佢print既野
今日先嘔返出黎
玩野咩!! 

IRIS今日問我有冇拍拖 
因為佢見我成日都返學
好好奇我有冇時間拍拖
我好坦白咁話佢知
我冇拍拖
因為冇時間
差d想講埋:有時間我都想訓多d! 
不過當然冇講啦

你又咁早走啦?
又唔等我呀?
做乜呢兩日都咁早呀?
係咪d報告搞掂晒啦?
等埋我先走啦...... 

全靠大船
我借左canterbury tales餅錄影帶
太好啦!

放工返黎本來諗住錄音
點知周公太掛住我
所以召左我去同佢約會
唉.....
乜都冇做過就已經11點半
返學既夜晚又嫌乜都做唔到
唔駛返學呢
都一樣係乜都做唔到
除左訓!
咁係咪返學好過唔駛返呢? 
好似有意義d喎!

我本達文西密碼究竟幾時先睇得完呢?
我仲有好多本書要睇喎
仲有24個比利
(以前睇過, 又係未睇晒就要還)
數代密碼等!
星期六會去商務入貨
因為我同事話有discount做緊
好似幾抵! 
去望下睇下執唔執到荀野!

搵到人去旅行啦
牛牛同佢個fd christmas會去澳門+珠海
所以我會搭單一齊去!
yeah!
睇怕都去得成啦掛!

百幾張獎狀
印極都未完
都唔知有冇搞錯呀!
仲要部printer唔生性
可能太舊
印到有d其他顏色既漬
再印過我又會冇晒quota喎......
而家都唔知點搞
聽日問下范sir意見先得
真係想死呀!

點解日日都好似咁多野做咁架?
你地係咪約埋一齊俾野我做呀?
係咪想做死我呢?
或者唔好約埋一齊啦好冇?
分開俾等我唔會做死嘛

今晚又overrun
搞乜呀......
我好tired嘛
又冇比薩食喎
食左一個凍既三文治
一個凍既什果沙津
唔好味 
d生果好生硬
(又生又硬)
我阿媽整o個d仲好味
下次問過唔生先買!
而家又食緊冰凍既綠豆沙
懶煲返熱!

今晚上磅
115鎊
仲輕過之前
幾時會跌到110?
都唔知好事定唔好
想瘦o個陣又成日減
而家辛苦到瘦左
又覺得自己好似好慘咁
今日著左一件黑色衫加背心
見到自己個側身
突然諗:乜我有咁瘦架咩? 
我諗我最開心都係個肚腩細左d囉

見唔到王子......

夠啦!
唔好扮晒野
唔好講大話啦
咪當我地係白痴! 

今晚走左堂
因為難得阿媽早放工
所以我又乘機走堂
同左阿媽去据扒
好好味!

搞錯呀!
平時我走你又未走
今日我未放工你就走
等多三個字我咪可以同你一齊行囉
真係好鬼衰架!!