今日一放學返黎
o係粉嶺又買左幾件衫
呢排唔知做乜勁買野
前幾日買完對拖鞋
今日又買衫
我個荷包真係慘 

之後返到屋企
搵張credit咭之餘
順便執下d野
執床呀
執房呀
仲有執返d冬天衫出黎
下星期好似再涼d喎
係咪呀?
大家真係要著多件衫呀! 

執左成晚野好累
執完自己張床
仲幫細佬換埋床單
終於o係佢張床既一疊書底搵返我張咭
不過點睇都唔似係我收左o係o個度喎
咁點解會o係o個度架呢???
我都話o係屋企架啦
太好啦
搵返啦
真係超開心! 

又鎅親隻手指
夠啦!!
我個body真係冇忽好啦
幾時先肯停呀?
我係咪中左咒呀??
不過搵返張咭
算啦
鎅親都抵!

今日又好搞笑! 
我真係要介紹d搞笑既阿sir & miss俾你地識

Eric:我有個仔同女架啦
Polly miss:唔係呀???
福權sir:係呀, 佢個仔仲成日同我個仔踢波
Eric:唔似呢, 我個樣似20呢?
Polly miss:係呀, 你似20呀, 我都係15之嘛?
福權sir:你15呀? 年齡定係智商呀? 你智商得15咋? 都幾慘喎! 你都掩飾得幾好喎, 同我地講到野 
Polly miss:我好叻降低自己黎配合人
福權sir:咁你咪15都冇? 定係話我地15都冇?
Eric:你唔好得罪我地喎, 小心d!

我同阿清o係旁邊聽到好好笑!

今日lunch同阿清&Fion出左街食
經過花店
見到d盆栽好靚同好平
遲d會去買返一兩盆
學下種野 
反正我公司有好多高手
有乜唔明可以問佢地

最近都唔知係乜鬼
個人成日都撞黎撞去
上次冼親整到隻腳指都未好
前幾晚又撞到隻手瘀左
今日o係公司又上演左一場膀頭碎枱角
好彩唔係好傷
唉......
我已經傷痕累累架啦 
夠啦
連我阿媽都話我o係度自殘呀!

今晚上堂
阿sir竟然問我地點解會有咁多人下個sem唔take佢呢科
因為呢科係year-long course
所以照計應該全部人都要take
阿sir你咁問我地真係唔識答你呀 
唔通話你知你level太高
冇人明你講乜咩?
定還是你遊花園遊得太精彩
個個暈到唔敢再上你堂呀?
我今晚上堂都係做自己野咋
睇The Importance of Being Earnest
我聽你講野聽左都唔知有冇兩成呀!

返到屋企
突然醒起唔見左張credit card 
仲要係monchichi o個張呀!
我肯定係o係屋企唔見左
因為我記得我有次執野
諗住張咭咁靚都唔會點碌
所以就懶有寶咁收埋佢
點知白痴既我唔記得左收左去邊 
唉......
搵左成晚都搵唔到
最有可能既地方都唔見
突然.....
我問左自己一個問題
我會唔會夾埋d垃圾掉左? 
噢賣吉!
真係想死呀!
張咭都冇用過就唔見左! 

今日做做下野
接到有個朋友既電話
我已經o係度諗
呢個朋友打俾我做乜呢? 
唔通約我去玩? 
咁我見係我好朋友
當然係立即聽啦 
一聲喂
另一邊冇人講野
只係聽到四周圍既聲
唉..... 
已經唔係第一次架啦
佢差唔多次次打黎都係咁
唔知佢係咪試緊電話呢?
真係俾佢激死呀!
呢個朋友就係......
大狗
你唔好次次都搵我試電話啦
或者你幫你個電話買返個鎖好喎! 

今日做做下野
有個人打電話俾我
阿joe喎
我又真係唔知係邊個
都唔知係咪玩野
佢仲要問我係咪返緊工,阻唔阻住我做野
我心諗你明知我返緊工
一係就唔好打黎
一係就拿拿臨講嘛 

夜晚趁上堂break
諗住走去買個沙津食
點知賣晒喎
見到d焗飯真係好吸引
不過一黎冇時間
二黎又唔可以拎住盒飯入去上堂
最後就買左一件比薩啦
熱辣辣
第一啖咬落去
好感動呀
好耐未試過o係呢個時間食d熱食啦
平時唔係凍既三文治
就係凍既沙津
今晚個比薩
真係太好味啦! 
下次再食過先得!
下次我要加埋湯!

繼上次俾天台度門夾親
又一慘劇! 
禽晚o係屋企冼親之後
換黎既就係一個乒乓波
我撞到既腳指今日變左乒乓波咁
(當然有少少誇張啦)
禽晚媽媽已經幫我搽左跌打酒架啦
不過好似冇乜效囉
唔知駛唔駛睇跌打呢
就算要睇都冇時間啦
睇下聽日點先算啦
希望聽日唔好腫到籃球咁啦! 

今日同IRIS同阿will講開我暑假去澳洲
佢地就好興高采烈咁介紹我去d景點
哇
佢地好厲害呀 
真係去過好多地方呢!
我好羨慕既同時
又好慚愧自己既無知
好似井底之蛙呀
好想去旅行呢
希望真係去得成啦