今日同積西嘉去左大埔整頭
佢就只係剪髪
我就電髪
真係整足一朝呀!
我都唔知整得好唔好
可能我唔慣啦
覺得好似幾鬆咁
有d似獅子頭呀
電呢個頭都幾貴呀
原價要成880呀
因為係我同事既表妹
所以佢比左個discount我
佢收左我550咋
真係超好人呀!
而家仲習慣緊個頭
希望聽日洗完頭會好d

積西嘉講左個秘密俾我知......
原來我估既野係真......
都有d失望......

新年快樂呀!
可惜我一年既新開始已經知道d唔想知既野......

同積西嘉傾好
都係聽日去整頭
真係興奮!
雖然仲未諗好點整
不過唔係負離子就係電髪
因為怕聽日會好多人
所以我地約左一早就去啦

好友們
你地1號可以見到我個新look......

lunch時見到阿burt好趕咁
佢話去食飯
食飯???
兩點啦喎......

今日annie miss請我地食rainbow
我食左一個腐竹白果加雞蛋 
正!
真係多謝晒佢呀!

成日都落雨......
搞到個人好down喎 
希望1號唔好啦
我地要去影靚相嘛

呢排食左好多野
真係勁食呀......
開學要努力減肥呀!

由於禽晚同簡簡去唱k唱到好夜 
(懷舊金曲之夜)
返到屋企已經十二點幾一點
我涼都冇沖就訓左
今朝起身先沖涼返工

返到工都幾攰 
因為禽晚夜訓
加上訓得唔好
成晚發夢
整家政科既野可以整足一日
幾襟做!
lunch同積西嘉, 莊sir同阿will出街食
去左間未去過既茶餐廳
普通!
好懷念澳門既美食! 

竟然有傳聞話我羸左五萬幾蚊
五萬幾蚊???
邊有可能呀!!
琼姐你收錯風啦
我羸左五萬幾蚊就會買好多好多盒既鉅記俾你地啦

放工又忍唔住手 
又去左買衫
一件衫
一條褲
一對耳環
我開始想開返間賣衫既舖頭
因為咁我就可以滿足我買野既慾望
咁就可以買貨賺錢
唔駛猛咁俾錢人洗嘛
唉......

我既好友
你地1號就可以見到我既新衫

同積西嘉傾過
決定2號會去整頭
因為得返o個日我地有時間
放完christmas之後
d大帝返晒我地就冇時間啦......
電髪???負離子???
好苦惱呢!!! 

一連兩日既聖誕澳門之旅終於完左啦
呢兩日我地既行程都好緊密
仲有食左好多野 
我同牛牛就跟住兩個好好既導遊Maggie同阿喜
左去右去
四圍搵野食
我地真係差唔多一日食五餐呀!
係咪好勁呢?

兩日差唔多去晒所有景點
睇左好多好靚既建築物
仲影左好多靚相喎! 
真係好攰呢!

仲有一個突破
我地去左金沙賭場
我冇乜點玩呀
都係玩老虎機咋
羸左15蚊! 
牛牛仲勁
羸左70蚊呀!
阿喜就黑仔d
輸左幾十蚊

好懷念d豬扒飽
仲有......大菜糕
正!

搭船返黎香港o個陣
架船勁拋
我一於少理
訓到死豬咁
聽牛牛講好多人勁嘔喎
好彩我變左死豬
如果唔係我都會係其中一分子

遲d會再去一次
可能係同annie miss去
一月左右掛
未定!

今日去左東涌姜葱屋企打邊爐
好熱鬧 
因為好多中一至中三既好朋友去
我
大船
阿趙
肥豪
羅文
陳珠
阿肥
阿烈
阿hang
麥仔同佢女友
當然仲有主人家姜葱

我地2點幾o係上水出發
撘巴士去到青衣轉機鐵
去到東涌滙合埋姜葱, 阿hang同阿烈就一齊去買野
買好野就上樓
之後我地就準備d食物
班男仔就打麻雀
我地6點度就開始食野啦 
班男仔就繼續打麻雀
真係佢地有佢地打
我地有我地食
到佢地食野就到我地打
我坐左阿烈個位呀
負60......
點追呀!! 
好彩最後都幫佢追返一半
之後抽獎
我抽到一架aeroplane模型!
型!!! 
我地仲飲香檳同糖水呀!
好味!
不過我就唔鐘意香檳d味
飲完仲好眼訓 

走既時候
o係巴士站度傾左好耐撘咩車
最後我同大船&阿趙決定撘去青衣轉巴士
返到上水火車站
o係我地架巴士度見到肥豪佢地o係276P上層排隊落車 
我返到粉嶺火車站仲撞到Jordan去完街
同佢嗲左兩句先走人!

好開心既聖誕節!