訓覺
溫書
食飯
睇歡樂滿東華
成日做既野就係咁多
悶到嘔!!

呢份工都唔知係好定唔好
日日做到冇停手
總冇休息既時候
呢兩個星期考試周
諗住可以得閒d
點知一樣係non-stop

今朝幫手監考oral
話就話監考
其實只係o係preparation room安排同學prepare
同埋分佢地去唔同既考試室
雖然係咁手板眼見工夫
不過已經足以令我緊張到死 
因為話晒第一次做嘛
好驚做錯呀
好彩無驚無險就搞掂左!

今日阿will俾左架用電腦控制既搖控車我玩
幾得意喎
佢自己砌架
十周年用黎展覽架
好勁呀!!
真係砌得似模似樣
好好玩 
不過我發現左我真係分唔到左右
睇到佢架車
我諗起o個日見到一副屋仔模型
好靚
百幾蚊
好想買呢!
係用木砌架
但係我又勁驚我砌唔黎喎.....
考慮中!

annie miss已經約左我19號晚去玩
慶祝我考完試 
脫苦海
唔知去邊度玩好呢
其實行下街食下飯我已經好好好開心啦

牛牛今晚買左船票啦
我地26-27去澳門玩
會四個人一間房
冇所謂啦
反正都未必訓!
好開心
我會好多節目呀!
未出發先興奮! 

激氣!
今朝借左部相機俾阿媽拎返公司用
點知放學返黎佢同我講話部機借左俾人
呀!!!!!!!!!!咁都得???? 
佢同佢個同黨同事完全冇問過我
通知都冇就借我部相機俾人???
有冇搞錯呀!!!!
基本既禮貌都冇
我係物主
反而我係最後一個知
一陣爛左花左壞左或者一去無回頭
我都唔知搵邊個賠.......
三千幾蚊架
真係想喊呀! 
我嬲到成晚冇食野
(因為飽啦 一肚氣呀!)
成晚都唔同佢講野!
我原本諗住同我新買既史露比影相架!
而家冇得影啦......
總之我就好嬲好嬲
佢話俾我鍾意食既蘿蔔糕我食
我都唔睬佢呀!!! 

好肚餓呢...... 
但係又要學人鬥氣喎

今晚嬲到唔想溫書呀!!! 

呢幾日王子去左北京交流
幾日見佢唔到呀......
真係超級唔開心! 

想買麥當勞既史露比
好靚
想放o係張辦公枱
做野都做得開心d
但係首先我要將我張枱上面既雜物執好先

呢個幾兩個星期真係超勁忙
唔知點解日日都可以冇停手
真係辛苦......
所以日日返到屋企都勁累 
晚晚都溫唔到書

聽日係振奮既星期五
yeah!!!

今晚撞到個好耐冇見既好朋友
佢同返佢以前個男朋友一齊??? 
下次真係要問下佢先得

Jessica:陳sir, 我介紹個同事你識, 呢個係阿yan
成個office靜晒
大家都O晒咀 
佢好明顯係做野做到傻左!

有晚我細佬o係屋企搵緊佢部手機
細佬打去個手機
點知去左留言
細佬:你好快d死返出黎!
我叫佢再打多幾次
第二次就話:你捨得死返出黎未呀? 要我搵你幾耐呀?
第三次就話:我call你咁多次都唔覆機, 玩野呀???
無聊...... 

阿will叫我趁我部手機未壞好快d trade in左佢
佢話佢以前都係用我呢部機
又係因為壞左所以買過部新囉
我考慮中......
不過當然係睇錢啦! 

今日真係超勁忙
除左要做手頭上既工作
仲要幫老細做佢d野
佢個人好鬼緊張同認真
一份野改幾廿萬次
成日服侍佢都得啦
仲駛乜做野呢?

今日病情嚴重
勁流鼻水
可惜太多野做
冇得請假

放工又去左做富貴
首先係一對boot
之後係......
一件褸
一件t-shirt
一條牛褲
一條好有聖誕feel既頸巾
又幾百蚊
好溶
不過洗得好開心喎
因為扮靚靚嘛!

今晚打邊爐
玩狗仔玩左成晚
又冇溫過書...... 

今日病左啦
勁流鼻水囉
頭重重咁

今日凍左好多呢
所以我成日都"部"o係個office入面
冇乜特別都唔出去呀!!

今晚又掛住訓覺
冇溫到書
我病啦
要好好休息!
(又俾藉口自己唔溫書)

想買多條頸巾
仲有想買對boot
今日去睇過
不過唔知買邊對好!