黎料啦! 黎料啦!
好忙既日子到啦
開始要準備開學既野
真係超級忙呀返一日工只係得食飯o個個鐘可以停下
開始懷念以前返工只係打機同吹水既日子
呵呵!

差唔多認得晒d老師啦
只係有少部份成日都唔蒲頭既仲未認到
勁忙
樣樣都係urgent
真係人都癲呀!

放工同eric,威廉同miss poon一齊行
個個都好健談
我就好似變左自閉咁
呵呵

聽日返去又要搏殺啦!

呢個星期d老師要返半晝呀
我已經可以預計到自己會有幾忙啦
呢個幾星期真係每日都不停咁做啦
花左好多精神
所以每日放工都好鬼眼訓
今日仲有d頭痛tim
不過都好既
起碼我每一日返工都好充實
唔會悶呀!

我隔離位個同事成日都好精神緊張
搞到我好唔自然 

今日睇左阿will去旅行d相
去瑞士呀
超靚呀 
真係好羨慕
我都好想去歐洲旅行呀
佢話洗左冇2萬喎
我心諗對我黎講都已經好貴
我諗如果想去咁遠旅行既話
真係要等到我畢業啦
因為而家要儲錢交學費嘛
快d啦
我都好想影靚相返黎俾大家欣賞
下年暑假去邊玩好呢? 
真係好想去一次日本呀!

o個個咁既hkdiary已經差唔多成個星期開唔到啦
我本來都好有耐性咁去忍耐佢架啦
不過佢真係太過份啦
日日都開唔到
都唔知佢搞乜
我終於忍受唔到啦
今日就好狠心咁開過個
呢個都唔錯丫
都可以整得好靚
我諗呢個起碼唔會成個星期都開唔到掛
如果呢個都係咁
我諗我真係會連日記都唔寫!  
到而家都仲未開到呀
我想copy返d舊日記過黎呢個新日記板都唔得呀
你話係咪激死人丫!

今日好大雨呀

原本約左去剪頭髮

想唔去但係約好又唔好意思

所以勁大雨都要出去啦

不過我已經好醒

特登著對拖鞋出去

去到馬鞍山

真係傘都吹爛呀

勁大風

去到髮型屋

我又見到好迷人既男仕啦

今日戴cap帽喎

勁型!

佢話我d頭髮都長得好快

仲笑我唔怕出事

剪錯左都好快會長返

佢一路同我剪

我一路望住佢

真係好吸引

佢專注既樣我好鐘意!

今次個頭都剪得唔錯

過左膀頭少少

我好鐘意呢d長度

撞到妙姐個囡囡

佢真係好斯文同好靜

唔出聲

阿輝笑佢自閉

剪完就去同妙姐,惠惠,同孟老師食lunch

都幾開心

雖然唔係好多野傾

不過感覺好好

因為都好耐冇見佢地啦

遲d未必得閒再約佢地啦

因為我就黎會好忙!

繼幫手編上課時間表用左差唔多三日之後
又一傑作
就黎幫手整d家長聯絡備忘咭
全校既份量
兩個人做
做左兩日
真係勁
返呢份工真係太充實啦
日日都冇時停
怕悶既人做呢份工真係o岩晒呀!

好多老師都已經認得啦
因為佢地蒲多左頭呀
呢幾日學校勁多補課嘛
中一中二中四中六都有補課
d工友話同全校返晒黎冇乜分別囉
呢d日子真係由上至下都超級忙呀

"老師不如你book 203室啦, 低低地咁"
低低地?
係個老師低低地? 個課室低低地? 定係d學生低低地? 

今日又食
腐竹雞蛋糖水呀
好味
不過我都係飲左一杯咋
唔敢飲咁多
怕肥

今日又千里迢迢走出去
做左機同瘦面囉
阿rain都話我條腰瘦左好多
都唔知係咪
係我件衫窄身之嘛!