今朝特登返早一個鐘
諗住會好多同學要入醫療室
怕佢地太忙
所以叫我返早d
點知又冇人入黎喎
咁我咪繼續做新聞女郞囉 
(即係o係個電子板度打返新聞俾同學睇)
期間部機hang左喎
嚇死我呀!!!
阿will仲嚇我話部機好舊
如果壞左真係未必整得返
(部機仲用緊window95, 死未?)
好彩冇事咋
下次都係唔好要部機咁操勞啦......
中午係一年一度既開爐宴
又係去金都飲茶呀!
唔錯
佢地真係對我好好
留位俾我
嘻嘻
好感動! 
今日餐飯係阿leo梁老師負責
佢真係好斯文好gentleman 
又食左好多野
下個星期真係要好努力減先得
又到左我期待以久既放工時間
(已經因為太多野做而放遲左半個鐘)
同阿江一齊行出火車站
仲一齊搭火車
(因為佢出旺角, 我出九龍塘)
我轉左mtr去油麻地呀
要幫阿媽拎兩個枕頭
好難搵呀
都唔知係邊
登打士街喎
鬼知咩 
(我係路痴)
又打俾阿dick, 又打俾阿旋都唔知
最後突然好醒咁打返去間公司
早d講家樂嘛
登打士街我唔識架! 
好辛苦先搵到
一上到去已經勁多人
仲諗住無七點半都唔走得
點知又好快手喎
七點閃人
即撲去世界書局o個邊同SPACE人食飯 (鋸扒)
少茵,fanny,albert,dick,emma,仲有阿旋
好熱鬧
太開心啦見到佢地
一黎好耐冇見
二黎而家返工都幾悶
所以要搵佢地癲返晚
好多笑料
好似返到以前讀書咁...
好一句"唔捱得就返少兩晚工,唔好以為自己後生就唔怕咁摶"
我呢班朋友實在太令我感動
我知道架啦
如果我真係頂唔順我會辭左JC
食完飯去左行街
雖然我要拎住兩個枕頭
好彩阿dick好好人咁全程幫我拎一個
我幾時都話我d fd好好! 
10點幾大家都累啦
就依依不捨咁散水囉
要好耐之後先可以再見啦
因為大家都要返工返學啦
好忙碌既日子又到啦
遲d再見啦 
my fds!
miss u all!
| 
