我今日訓醒就出左慈雲山啦
好白痴呀
去左咁多次我都可以撘錯車
我竟然上錯小巴呀
本來可以早到架嘛
點知遲左
今日係約左做人手通淋巴
之前已經聽過cindy話會好痛
不過我諗住要靚
咁就要死頂啦
點知始做就已經有d後悔啦
做小腿同大脾真係勁痛呀!
我真係哎到成間野變左產房咁呀
痛到我差d拆左佢張床呀
仲嚇親佢其他客
因為我哎晒救命嘛
做完通淋巴
就走左去試瘦面囉
可能我肥得太嚴重啦
所以暫時未有好明顯既改善
不過我覺得係尖左少少既
搞掂換衫走啦
著返條褲
覺得好似真係鬆左喎
唔錯!
返到粉嶺
去左買粥食
撞到馬會既同事
佢話覺得我瘦左d
我心諗
梗係啦
我俾左好多錢架喎
同埋我又真係食少左野嘛!
俾人讚
好開心
我一定要好努力減先得

今日係長週呀!
要返工
9-1
幾好呀
冇乜人返
好似之前份工咁
清清靜靜
返到去入埋d data
話咁快就收工
好野!

今日又有野食啦
又係桃姐既拿手好戲
糖水
佢今日整左芋頭西米露
雪凍左好正呀!!! 

今日放工又出左去做treatment
好開心!
開心唔係因為瘦左
而係同佢地傾計好開心
佢地真係好nice
今日做左通淋巴, 燒脂同埋排水囉
部機好得意
震到我好痕呀
笑到我丫
佢地話可能廿幾歲o個d做呢部機係會笑架
呵呵
可能啦
做完又八點幾啦
又要衝返屋企睇妙手仁心!
返到屋企食左塊包,一包餅,一杯奶同一個阿婆
咁樣都唔瘦我都冇計啦

今日係第二日返工啦
中午阿惠惠打電話俾我
o個陣我都仲未食飯呀
今日都係做d data entry既工作囉
冇乜特別野做
雖然話唔趕
但係我咁鬼死悶
有野做仲唔死入爛入咩??
成日都想中午食少d
但係又唔得喎
冇啖飯落肚好唔慣
所以都係中午食正常餐
至多食少d肉囉
唔食又得喎
返左兩日工
仲係未記得晒d工友
太多啦
以前得o個6個
好易記
而家有成8,9個
仲要唔係成日見到喎
個個都差唔多樣
真係難認呀!
下午茶有豆腐花食呀
hand-made架
係桃姐整架
其實我原本唔想食
(因為怕肥)
但係佢地誠意拳拳
咁就食左碗冇乜糖既
佢地仲話阿桃姐成日都會煲涼茶呀糖水呀返黎
睇黎我既減肥大計應該會失敗啦
噢......

放工就山長水又遠咁搭車出去做treatment
買左course嘛
一定要俾心機呀!
搭車好累呀
所以訓到死豬咁
去到換好衫就開始做啦
好開心呀
d人好好架
又唔會sell野喎
只係傾閒計
又見到好多網友呀
真係唔錯
可能我都係上左去兩次咋
所以仲未見到好顯著既效果啦
希望遲d會好d
星期日等我試埋個瘦面treatment先
呵呵!

今日第一日返新工
我梗係冇遲到啦
仲要係第一個返到喎
呵呵
好耐未試過咁準時 

返到去一陣
d同事就陸陸續續咁返到黎
不斷咁介紹自己囉
"早晨,我叫阿yan"
講左好多次
太多同事
仲未記得晒
連工友都特別多架
d乜姐乜叔真係記死人呀!

之後就開始執o個張好多野好多塵既枱啦
其實好快就執好啦
之後抺下d塵咁囉
搞掂之後就問下d同事有冇野要幫手囉
佢地就俾左d好簡單既工作俾我做
我當然唔會介意啦
有野做好過冇野做o係度悶啦
我又唔想上網做自己野喎
因為我個位實在係太開陽啦
係人都知我做緊乜野啦
邊好意思做自己野丫
做到中午左右
有個阿sir教我用websams入分囉
又係d data entry既工作
正
我既長處
放工之前已經搞掂晒
double check埋啦
臨收工o個半個鐘真係等收工咋
o係度睇新聞囉
一夠鐘就閃人
反正留o係度都冇野做
唔走做乜喎

原來我好多同事都係住粉嶺上水
究竟.......
佢係咪又係因為我住得近而請我架呢?????