今日，同老婆仔行完郊野公園，之後出左旺角金魚街行，行行下竟然見到

我之前一個都幾鐘意既女仔，同佢冇傾過計，但係就有好多次眼神既接

觸，因為成日會撞到。我見到之後，緊係第一件事話俾老婆仔聽啦，因為

我要對佢坦白，行開左同佢講清楚晒。老婆仔話想睇真d佢個樣喎!我話見

到先算啦，咁多人!之後真係咁有緣，見到佢，隔離仲有個男朋友。之後，

我地兩個扮晒野咁，行近佢地度，個時佢地係度睇緊魚仔，我地就係佢地

後面，佢地睇完一轉身，我望左個女仔一眼，佢好似認得我，望實我，之

後再望下老婆仔，我望左一眼即刻回避左，呢種感覺真係好特別，我知，

老婆仔知，佢知，佢男朋友唔知咩事。老婆仔係咁笑=﹏="又會咁開心

既 ._." 之後佢地走左，我就陪老婆仔番屋企，番上屋企前，去左我地既秘

密地帶.......之後!送到佢樓下，跟住我先番屋企。