猶如原子，正在重組。你粉碎了過去的我，但你永遠摧毀不掉我的信念。重生的我，將不會受制於你。相反，我會不受限制，繼續地擴大自己的能量，誰也休想擋我，就憑吸引力法則。

       不知不覺已過了一年多，心情明顯是從死暗幽谷中醒過來。前路愈來愈清晰，目標也很明確。回望過去，雖則有點稀虛，但這一切都已成歷史，我永遠改變不了，只能說經一事，長一智。以後，定必要愛自己多一些，因為連自己都不會愛自己，誰又會來可憐你?憑什麼，說自己會愛一個人?人總不能一再找藉口給自己逃避，不要再為自己畫圈圈，然後跳進去，把自己鎖死。放開一些無謂的信念，沒有誰也定能活得快樂。明天定會更好，因為實相在我的掌心之中，內在的宇宙，將爆發無限可能性!

      其實最近你還好嗎?偶爾會想起我嗎?我好想你，很想見你。我過往的好老婆，我會一直守候，我愛你。

       今日，如常起身時，感覺最孤單，最傷感，因為我知道，在你心裡已沒有我了，你更不會想念我，四年幾的感情，就這樣地消逝。我已習慣，每天早上，都為你流下數滴眼淚，擦乾後，再咬緊牙關，面對新的一天，我每天盡力把自己做到最好。我不管將來，有沒有機會跟你在一起，我只想說，我對你的心，一樣沒變，我只是不懂去愛你，但今後，我會學習，無論可否重新開始，因為放下才叫我最心痛，為了你努力改變自己，才是我生存下去的唯一動力，真的很想他日，能夠給你一個全新面貌的我，到時候準我用另一個我愛你嗎?以前，我從沒察覺，你對我的每句說話都充滿了期望，現在我明白了，是我錯了，我太過愛你，把所有的時間，精神都集中於你身上，忽略了自己，但今後，我會先學會愛自己，然後才學習如何愛你，這是我能為你做的一切，因為曾經你對我有期望，但我令你失望了，如今，無論你在乎與否，我只想為你而改變，只想愛你。別說我傻，更別說我煩，單戀是沒罪的，愛一個人都是沒罪的。

       其實，你知唔知我真係好愛你，點解你可以話變就變，我好唔捨得你，我已經習慣左生命中有你在，每一處都有我同你既回憶，當你離開我個刻，我地既回憶就此散落到四處，每次我都拾起，就算再也修復唔到，我都願，我願意一直留住，我唔想去忘記，我唔想忘記你呀，你係我心目中係無比重要，我真係愛你，你只可以話我唔識愛你，但我有學，點解你要咁就放棄我?我個心真係好痛，你知唔知呀?每一次見你，我都忍住淚水，我好辛苦呀，點解呀!點解可以咁絕情?我同你一齊，開心既日子，一定多過唔開心，我同你最大問題，就係住得遠，所以我先會咁掛住你，但呢個就快唔成問題，我好快讀完書，可以出黎做，同你一齊住啦，老婆，我掛住你呀，你究竟爭扎緊咩野，我為左你脾氣已經改左啦，求下你，唔好就咁離我而去，我真係好想，好想俾幸福你，我真係好中意你呀，你離開既呢段日子，我冇一刻唔掛住，你卻如此狠心，我的淚水是真實的，每一滴都包含我對你既依依不捨，對你既愛呀"你幾時先肯黎我日記睇呀?每一次打日記，我都會喊唔停，每一次都好希望你會番黎我身邊，求下你，唔好再將我小部分不完美，無限量放大，好唔好?我唔會放棄嫁，我愛你呀，我真係愛你，除左你邊個都唔要呀，邊個都唔要，我只想你番黎我身邊，我地兩個開開心心咁一齊生活。

       無論我宜家有幾掛住你，無論我宜家幾想搵你，我都唔敢!因為我怕又令你覺得煩，令你更討厭我，我唔想你離我更遠。我可以做既就係，每隔數分鐘，就拎起電話，進入WHATSAPP，睇下你對我解左封鎖未，每一次見到你未解，我就知你仲煩緊，仲未憎完我，所以我可以做既就係，一直等。其實我可以SMS你，但又如何?再多既問候，到你眼中，只是我找你的藉口，煩到你既起因，想愛你，但唔可以愛，想對你好，但你卻唔俾機會我，唔通真係要放手，完全唔理你，就叫做真係愛你?大家彼此唔係相愛過嗎?你真係忍心睇住我，日日都掛你掛到不似人型?我日日都要食藥去控制自己情緒，點解你可以知，而一D都唔在乎，完全冇感覺，你覺得我講大話，想你番黎我身邊?我想講，我之所以食藥，係因為我仲有阿媽要照顧，如果我都出事，屋企又多件事，到時會點?我已經好努力去做啦，你唔想見到我，我都冇去搵你，除左我生日個日真係好掛住你，同埋你話我知，你學車，我都係想俾個支持你姐。估唔到你見到我會咁煩厭，你唔係以為我，為左見你唔番學呀?我係放左學先黎搵你呀!所有野你都誤會我，完住唔俾機會我去解釋，我愈係講，你愈唔聽，對住我既表情就好似仇人，我真係對你咁差咩?點解你次次要同一個唔好既方角睇我?我同你四年幾，問心，你真係好辛苦咩，你只係將白紙上一小黑點，無限放大，如果係咁，我再努力，你眼中只有我不完美既一面，從來都唔珍惜我對你好既野，一直以黎，我自問，我對你一心一意!係，我承認有時候，真係令你難受，但我一直改緊，一直進步，你就睇唔到?你一口咬定我無變過，咬定我乞你憎，好極端呀，對住你我好驚，我好徬徨，但我從來冇放棄過，因為我知道，你總有一日會明白，我希望有一日你會睇到我打既野，我真係愛你，我冇後悔過，我只可以講，係外來原因，令到我同你出現問題，係時間問題，令到我同你絕少溝通，你對我既誤會愈來愈深，係之前既日子，我好努力讀書，你努力工作，大家有相處時間，感情一直都冇問題，我每日都好輕鬆，冇成日都緊張你。自從你轉左工作環境後，我問題先出現，但唔係我想嫁嗎，我需要時間去適應，但你有冇俾過時間我?當我就快成功之時，你竟然同我講，話覺得我逼緊自己，欺騙緊自己，我一再同你講，唔係，你有冇信過我?我好無辜咁，就俾你定左死罪，我一直都好想你明白我，但你每次都同最冷酷既眼神對住我，我個心有幾痛，你知唔知呀?我愛你，但你卻要咁睇我，仲要一直拎番D舊事話我，我已經改過，你都一直重提，開心既野，對你好既，你卻一D都唔重提，完住忘記，我真係好無奈，我既痛苦，真係唔係你所想像咁小，四年幾啦，你可以咁狠心，你究竟受過D咩價值灌輸呀?我好擔心你呀，今日我仲清醒，所以我將我想講既打係度，但聽日，我又唔知自己會點，我掛你掛到痴晒線，有時自己做緊咩都唔知，食左藥又呆下呆下，成個活死人咁。老婆，我好想你番黎我身邊呀，你個心去左邊?我就快頂唔順啦!

          分手後的第二十三日，不知道你為何會如此憎恨我，很懊惱。不過，我沒有恨你，因為我體諒你，我愛你。就給大家冷靜吧。

        今日係分手後既第二十一日，好忙，但依然好掛住你。我想同你講，你從來沒有面對我，一直在逃一直在逃，我無奈地不停追逐，你到底幾時先肯轉身面對我?

       今天是分手後的第二十天了，我每天都很累，每晚都失眠，我撐得好苦，我需要的只是你一句的關心，但你卻每次只問候我媽，從來沒有問過我，要兼顧這麼多事情，是否會累。每一次，我的心都很痛，是否分手了，對我的愛就一下子消失?我一直在努力，為你改，你卻不給機會，在我最需要你的時候，說要走，就走了。對我留下只有無比的冷淡，比友情更甚差。不管如何，我永遠都愛你，我寧願把自己放在最委屈的邊緣，也不願錯失一個可以跟你重新開始的機會，為的就是守我對你許下的承諾，就是一生一世只愛你一個，無論發生甚麼事，都不會放手。

      今日係分手後既第十九日，心情好沉重，阿媽依然好虛弱，而且我又幫唔到D咩野，可以做既就只有默默咁支持佢。我想搵人傾下，打俾你，你又唔聽。又話做朋友，宜家你跟本就係度逃避緊，如果你真係可以放低，你怕咩我一直咁樣堅持愛你，你用番朋友既態度對我咪得囉，點解你連傾個電話都要就住，次次打俾你就問我咩事，唔通一定要有事先搵你?我只係想同你傾下計姐，你當我朋友唔緊要，就當係我自己一廂情願，自作多情，你唔洗一直咁樣逃避呀，我講咩你都唔會心動嫁啦，如果你係中意我，你先會就住就住，因為你心底入面既感覺，你禁唔住，既然係禁唔住，點解要選擇逃避?我呢排真係撐得好辛苦，你究竟明唔明，冇你係我身邊，我唔會更好呀。