分手後的第十八日，陰天，是一個星期六，媽媽今天不用做電療，但我起身見她的臉色依然蒼白，化療和電療帶來的副作用，真的不可以睇少。沈晚，俾人一個短信，嘈醒左，更加鬧醒埋。沒錯，我現在的狀態是一個蛻變得階段，變成怎樣，沒有人知。但我自己心裡有數，能做的就只有，盡力而為。我想說，心裡面還是想你，還是想見你，但可惜的是，你依然在逃避我。老婆，我愛你呀，好掛住你，唔好再逃避我啦，好嗎?就算我現在甚麼都不是，準我關心你，準我進入你的夢，準我在你腦海中出現，好嗎?不要再逃了。

     今日係分手後的第十七日，整天都下著雨，陪過我媽媽到醫院做電療，陪伴著她回家。我看見媽這兩天來，臉色差了很多，沒精神了，整天只想睡。我的心像被針剌一樣，我忍住淚水，在她身邊照顧她，直到她睡著了，我才處理自己的事情，每當這個時間，我都會開始想起你了。老婆，在我心目中，你永遠都是我的好老婆，無論你承不承認，接不接受我也好，我只知道，我依然愛著你，沒有一刻放下你。依然期待，你回來我身邊的一天，雖然我不知道，那天何時才能來臨，但我這段時間內，我會把自己各方面都做好，好讓你回來我身邊時，我能夠給你最大的幸福，要你一生一世都笑著過，要你每天都叫我一聲老公，給我一個幸福的吻，老婆，我愛你，我一直都在等你。

       今天，是分手後的第十六日。沈日好累，所以今朝訓到成個死左咁。係半夢半醒之下，我聽到你叫我，老公起身啦，老公!可惜我醒番時，卻又只係一個夢，呢排已經成日都係咁，真係唔知點算。有時我係度諗，愛一個人真的有錯嗎?我一心一意對一個人，點解佢好似唔明咁，好似好多野誤會我咁，又唔肯講，心裡明明喜歡，外表卻要裝作不是，點解呀?我真係唔明白呀。如果真係中意，點解要逃避，要逃避到幾時?彼此都愛大家，點解要令雙方都辛苦?係埋有外來壓力，如果你點解你唔同我講?係咪因為我阿媽有癌症，你唔想再俾壓力我，所以選擇咁做?如果係，我想講，老婆，我地可以重新開始，你以後唔好再黎我度過夜，咁你阿媽咪唔會再話你囉，我地依然可以見面，拍拖，等到我出黎做野，有能力時，我再娶你，好唔好?唔好再逃避我啦，好冇?我等你番黎呀，希望有一日你會黎睇我打既野。我一生一世只愛你一個，呢段期間，我會努力，照顧自己，照顧媽媽，等佢可以安心養病。

       今日係分手後既第十四日，又發夢同你復合了，真係控制唔到。日間清醒時，都仲可以控制唔去諗你，但入睡時，真係控制唔到，因為我真係好掛住你。每次聽你冷言冷語，個心都會好痛，我真係唔明白，點解你可以做到咁絕情，我一心一意對你好，可能我唔係太識，但我一直學緊，亦都一路進步，點解你唔肯俾多少少時間我，就咁走左去。呢段時間，我真係好需要你係我身邊，你既離去，我真係好徬徨，你知嗎?我好想你係我身邊呀，你話做朋友都可以支持，我想講，係唔得囉。呢排我自己撐得好辛苦，你究竟知唔知，你仲想逃避我到幾時?我真係就快頂唔順啦!老婆呀，你番黎我身邊啦。老公好掛住你，好想你係我身邊呀。老婆，我等你番黎呀。

      今天，是分手後的第十三天。沈晚發夢，你回心轉意，同番我一齊。

我開心到唔知點形容，但一醒知道原來係發夢，個心又變得好忐忑不安。

無論如何都好，我會一直等待，就算你講到有幾絕，我總相信，有一日你

會掛住我，有一日你會回心轉意。老婆，我愛你一生一世，就算宜家唔可

以搵你，我會一直將呢份愛埋藏係心底，總有一日你會嬲完，總有一日你

會煩腦完，總有一日你會同我係番埋一齊，我深信。因為彼此之間既愛，

依然係你同我大家既心底入面。

      你與我勾過手指，答應對方，無論發生甚麼事，

都會一起去解決，不會分開的。如今是謊言還是你真

的有苦衷?我真的很想你，求求你別離我而去。

     今日係我同你分手既第十二日，天氣就如我心情，下著雨。我又哭了，面對感情原來我是這麼般的脆弱。連續十二天的失眠，整個人都焦緒了。但我堅持一直守候，我總相信有一天，你會回心轉意。雖然，這幾天來，你對我非常冷淡，莫不關心的，但我依然堅持，我不會就這樣對你心淡，或者是恨你，我真的愛你，愛到連自己的感受都可以忽略，因為在我心中，你是最重要的，就算旁人怎對我白眼，說我傻，說我不理智，受多少的冷言冷語，我只想說一句，我愛你。

    分手後的第二天，我為你做的一段簡單的心聲，如今我終於夠勇氣，放上網去了，不知道何時你會看見呢?

     今日起身，第一件事又諗起你啦，即刻拎手機，睇下你有冇搵我。結果都係一樣，你冇搵我。但我唔會因為咁樣而覺得失望，因為我深信，你宜家需要時間去冷靜，去透下氣，因為過往所承受既壓力實在太大啦。老婆，無論你宜家承唔承認，俾唔俾我咁叫你都好，你係我心目中，一生一世都係我老婆，我只愛你一個。今日係分手後既第十一日，無論以後，你係咪永遠都唔會再俾機會我都好，我都會依然咁默默咁係你背後愛著你，每日都想你千百偏，你偶爾會想起我這傻蛋嗎?

     好懷念，以前拖著你的手，四處去，一有假期，我地都似糖痴豆咁，好開心，傾住計，行住街，我錫下你，你又錫下我咁。我知道你中意同我開開心心咁相處。前個排我壓力真係太大，不知不覺咁卸左係你身，我好心痛，我好後悔，咁遲先知，你一直都係度幫我承受緊，其實我唔係有心想你令咁嫁，我諗住講出黎同你分享下就算，老婆，對唔住呀，我既唔開心，令到你承受無比既壓力，我既忽略，令到你受苦。我冇用呀，你咁愛我，為左我，擔心我，而苦苦咁啞忍。我抵打呀，我好想俾你中我心口幾下，大力D都唔怕=3=，只要你打左我呢個衰人覺得開心，我就開心。不過我知你一定錫住我，因為你好愛我。你選擇離開，就係想我明白，想我堅強，做番個真真正正既男人。老婆我想講我宜家有足夠能力做到啦，我好想你番黎我身邊呀，我好想你係我懷裡感受最大既幸福，無壓力既愛呀。我好想見你以前一個好開心，成日笑既你呀。傻蛋永遠等待你回來，我深信有一日，你會肯黎我日記睇。

    今日，係我同你分手既第十日，我發覺原來你係我心目中，真係一個無法忘記，無一刻可以放低既人，因為我試過好多方法，逃避你試過，分散注意力，唔再去諗你試過，咩都唔諗去訓教，都試過。冇一樣成功，冇一樣可以令我好過D。其實我想講，我之前會你改變真係唔係逼緊自己，係我真係諗通，但可惜，你冇俾機會我去做，就已經離開我。去長州個日，我點解沉默唔講太多野，係因為我唔想講多錯多，我只係想用個心去話你知，其實我真係愛你，我唔識愛你可以學，我唔講出口，我唔奮身追番你，係因為我驚我會令你愈走愈遠。老婆，你係咪嬲我個日冇追番你呀?我想嫁，只不過我真係驚會令你反感，所以我唔敢做。但我個心一直都向住你，無時無刻都掛住你，我亦都知道咁樣做唔係太好，因為你要承受好大既壓力，所以我每晚都同阿彬傾，為既就係想做到愛你之餘，又可以令你有自由，冇壓力。但可惜既就係，當我做到啦，諗通啦，你反而覺得我欺騙自己，逼緊自己，但其實真係冇囉。你就咁離我而去，我真係好需要你係我身邊，你知嗎?我知你呢度時間，想自己一個靜下，我知我一搵你，同你傾我地之間既問題，你就會好煩，覺得壓力大到無辦法承受，所以我出現會令你好唔開心，所以我應承你，你一日唔搵我，我一日都唔打擾你，我唔係想同你鬥氣呀，我都好想搵你，只係我知道咁樣做，你會唔開心，所以我先選擇咁做。雖然我將我既睇法打晒係度，但我唔知你會唔會黎睇，不過，我想講，我打晒出黎，就唔會有遺憾，因為我呢D係我既真心話。呢十日黎，我開唔開心，我諗唔洗講你都知，但我冇再打算話俾你聽，因為我知道，身為一個男人，應該有承擔，唔可以令心愛既女人有壓力，更加唔可以令你過份擔心我，因為你呢排已經好多野煩了，我唔想再令你煩上加煩。老婆，其實你一直都仲中意我嫁，我知你心入面仲有我，但你咁亂既情況下，你真係唔知可以做咩，所以你先會咁煩。我唔煩你了，如果你睇到我打既野，希望靜完，隨時搵番我呀，我冇嬲你，我都冇恨，我體諒你呀，老婆仔，我愛你。