今日係第二日考試,首先考中文paper1,做甲部個時勁慢,
掛住發夢,所以後面個d就作得唔多啦!

小息個時,去完更衣室出黎無耐,突然見到暗暗,佢重張著住件
粉紅色衫,見到即想死呀!過多陣,見到朗朗,佢重要話星期三
監考,叫我地要有心理準備,走個時重同我單眼,超驚!媽媽,help!
我驚到時認唔住笑呀!

跟住再考EPA,死左d立法會,唉,就係衰左個度囉!好唔抵呀!

放學個時,行左yan子妹妹個邊,事關想遲d先返屋企,一路行又
講返個d話題啦!差唔多要走個時,yan子妹妹唔比人走,咁咪講
埋個件事囉,點知傾傾下,見到嚴文婷同曾莉,佢地同bo哥傾計,
傾左陣就走啦!

返到屋企勁熱,屋企無電,超熱,終於頂唔到,出去太古城行街街
(唔係同matthew哥哥呀,係同我媽媽同我牙姨幾乖女!)
繼續食我最鍾意既烏冬,正!跟住就去左間電腦店整返部NDS啦!
見時間尚早,去左冒險樂園玩,好似好童真咁,玩玩下見到個好熟
口面既人----原來係...Matthew哥哥,佢又知我係度既?
同佢一齊玩,好天真呀!玩左好似1個鍾,洗左好多錢呀!跟住同佢say bye!
跟住再返去牙姨公司玩電腦...玩左半個鍾到,就走啦!

跟住搭車車落MK行街街,去左朗豪坊,行行下,我媽媽話想睇戲,
咁咪睇囉,睇7點幾,之後去左食野,好味!見有時間,又去行街街,
次次行街街都好驚驚,事關一定會買好多野!果然真係買左好多野,
又有elephant公仔啦,yeah!之後去睇戲,超級好笑,果然無揀錯!
睇完就返屋企啦,好鬼累呀,個人無晒力!

小莊,生日快樂!