今日10點幾起身,之後去左M記食早餐,竟然比我見到

雞丁佢地成班人,之後就行陣街就返屋企睇惡作劇之吻,

超好睇,又好笑!之後無無聊聊咁過啦!

到左2點,就搭k12過火車站啦,點解今次唔見susu既?

唔制呀,我要見susu呀!好準時,重早左小小,同埋珊一齊過

去搵淇貓,等左陣,佢黎啦,佢爸爸車埋我地去會展,真係好人呀!

去到3點到啦,見到勁多人排隊入埸都好多人呀!我地無買到票,

事關買唔到,之後要淇貓個爸爸幫手,thx!行行下,竟然比我見到一個人,

原來wing yan同一個男仔呀,哈哈!wing yan唔通拍拖?XD!

再等多陣,就有人黎接我地啦,唔洗錢入去,哈哈!

入到去見到超多人,基本上我地3個差d走失左,好彩無!途中聽到好多

唔見小朋友既廣播,哈哈,幾驚係唔見左淇貓呀,哈哈!(淇貓唔好打我呀!)

之後就睇漫畫啦,淇貓睇中左3本野,不過比錢個時話要夠18歲先可以買,

即刻搵人幫手,珊好勇呀,問到人幫手,唔係有排企啦!哈哈!

之後就係咁行啦,行左3個幾鍾,順便送埋本野比淇貓當生日禮物,

一份遲來的生日禮物,原諒我啦!對唔住!行到7點幾到啦,就坐返淇貓爸爸

架車車走啦,真係好好人呀!不過超累,行到隻腳好痛呀!超多人呀!

淇貓個爸爸車到我屋企樓下先比我走,太好人啦!thx!

返到屋企都係7點幾,跟住就食壽司啦!好味,最鍾意既三文魚!yeah!

之後就係咁玩太鼓,好玩,終於玩到第2關啦!不過唔識VS,要搵bo哥教啦!