今日10點幾起左身,之後就落去食早餐啦,趕住返黎睇惡作劇之吻,

今集講到佢好可憐呀!睇到都覺得好傷心!睇到一半到啦,就搭車車

出去太古城啦!

一去到,當然係食野啦,哈哈!朝早都係食左件包,去左food court到食野,

食左碗魚蛋米線,太好味啦!哈哈!下次叫bo哥黎先得!一定要食魚蛋呀!XD!

之後就陪阿哥去玩具反斗城,事關佢去睇Lego,終於佢買左一盒啦!

不過唔係佢最想要個盒!買完之後,當然係到我啦,去左冒險樂園啦,

哈哈,又win左好多票,yeah!之後就行下街街咁啦,and then就上

阿姨公司玩啦,玩左陣電腦!

玩到4點幾到,就走啦,之後過左吉之島諗住食野既,不過無咩

肚餓既感覺,所以就走啦!點知出面落勁大雨,所以諗住去搭船,

哈哈!一定會好好玩既!終於等到架車啦,我唔知做咩,好似中左邪咁,

一支箭咁衝左出去,個時落左勁大雨,應該係最大雨個時,搞到我濕晒,

重要係咁傻笑!傻左!

搭船個時超大風,重勁過d冷氣!都未試過落雨搭船既,哈哈!

之後搭車車返黎大埔啦,又去左大中行下咁啦!夜晚就去左

大家樂到食野啦,好味!