今日好似9點幾就起左身,之後去大埔墟度食早餐,跟住當然係行街啦,

哈哈,終於記得要買字典啦,d記性突然又咁好既?買下筆個d咁啦!

返到屋企,11點幾度啦,開始做功課,yeah!中文改緊正既時間,突然

媽媽行過黎,中招,比佢睇到,結果當然係比佢鬧啦!之後就食我最鍾意

既烏冬啦,正!緊住就聽下歌,玩NDS咁啦!

等到4點,搭車車出去灣仔,過去合和中心食飯,又要上去60樓,煩煩煩!

去到當然係未食得住啦,係咁玩NDS,之後就切蛋糕啦,今日阿爺生日,

好似75歲,唔記得啦!繼續玩,跟住就傾下玩話咁啦!

終於等到人齊啦,不過個時都8點啦,睇到個幻彩詠香江,不過都覺得無咩新奇既

野睇,失望!跟住就食野啦,不過都係好鬼悶既飯局,唉!睇電視,唔理佢地!

又係咁叫人食野,唉!已經好肥嫁啦,重要我食,我驚出年我會變左隻肥蕃茄呀!

食到10點幾到啦,就閃人啦,搭返307返黎,一路玩NDS+聽歌歌!

話咁快就到啦!

爺爺生日快樂!