今日6點40到起左身,為左d咩?當然係中文默書啦,我發現

我要朝早背書先至會背得熟嫁,XDDD!之後好早就出左門口啦!

天氣變得好凍呀,但係又有d熱既感覺,難道是秋天既來臨?

去到等左5分鍾到啦,善儀姐姐先至黎,又話張婉玲會黎,點知都唔見人,

失望!跟住就慢慢行返學校啦!

返到學校都成8:05,入黎學校個時比d侯選內閣整到死呀!支持圓心閣,XD!

之後就繼續溫書啦!

朝早晨讀啦,繼續睇本超好笑既書,應該岩domdom哥哥睇既!

家政x2...教西式既餐桌禮儀,超級好笑,點解唔叫domdom哥哥出去食嫁!

no good啦!之後就聽下佢講野,做下筆記咁啦!

小息...唔記得左!

中文...默書,有d字好似寫錯左,唔多記得,不過背書就應該無問題既!

跟住就睇下兩段片咁啦,都幾可憐呀!兩個情人成日都見唔到面,係咪

叫做有緣無份呢?再講下散文同小說咁啦!

電腦x2...跟本成堂都聽唔明佢講d咩,想練打字佢又唔比,教野又講得

鬼死咁快,唉!同yan子傾足成堂計!

Lunch...去左富善食啦,食野既時候發生太多野啦,打唔晒出黎!

之後dom佢地應該去左買野飲啦,我同善儀姐姐就返左學校啦,

行返學校個時就見到淇貓佢地啦,返到學校就見到yan子佢地啦!

幾有緣份bor!

數學...繼續做數,煩煩煩,唔明個d進制呀!差唔多最後個5分鍾就派卷啦,

叫做ok啦,不過大意!crying!

B.A. ...繼續抄野,超想訓覺!

歷史...發夢,好想訓覺,同善儀姐姐狂傾計!

放學...一齊去左圖書館借書,揀左好耐呀!超攰!跟住媽媽打電話過黎,

話去美心食野,個時行緊過廣福,咁就搭K18去啦,之後就係咁食啦,

超肚餓呀!唔知點解呢?食完就自己搭K12返去啦,超級眼訓+攰呀!