今日１０：３０起身，食完野，睇左陣電視，就〔汁〕書包啦，嘩．．．星期１勁多書丫，仲好重添，慘啦．．．〔汁〕完就玩電腦啦，玩到５：００就去沖凉，冲完就睇電視，睇到７：３０食飯，食完飯就玩電腦，玩到１２：００就訓教啦．．．．

　　今朝唔想起身，訓到６：４５先起身，所以冇食野，換完衫，７：２０就落去啦，落到去家ｂｅｅ就黎左啦，咁我地就去搭火車啦，去到大圍，丫庭仲未黎，咁我地就係到傾計啦，咁岩講到陳ｘ裕，就見到佢啦，真係黑仔．．．冇幾耐，欣豬同丫庭就黎左啦，咁我地就走啦，行到天橋，就見到ｋｋ＆張ｘ烻啦，咁咪１齊行囉．．．

　　返到學校，就去排隊，好熱丫，Ｄ老師又多廢話喎，企左好耐先上課室，返到課室，老太婆（班主任）就講埋Ｄ無聊野，悶到死．．．第２堂，我地就去左禮堂，冇得坐，企左成堂聽野，企到腳都痛，之後第３堂去左影相，影完就返課室啦，小息果陣，就陪欣豬落去睇野．．．第５，６堂，聽完老太婆講野之後，佢就俾左Ｄ埋數字既野俾我地玩，玩到放學．．．

　　放學之後，同丫庭，欣豬，丫沈＆billy去食野，食完野，我同丫庭＆丫沈就去搭火車，去到九龍塘，見到小强丫，同左幾句佢就走左啦，咁我同丫沈就去深水埔，點知轉車果陣落錯車，＞．＜去到西九龍，行到４：３０到，就返屋企啦．．．

　　返到屋企，睇左陣電視，就去訓教啦，訓到７：３０就起身食飯，食完就睇電視，睇到１１：００就訓教啦．．．