今日６：４５先起身，換完衫就食野啦，到７：２０就出門口啦，去到火車站見到羅善，咁咪行快Ｄ囉，點知都係見到佢，仲俾佢撞到我個袋，真黑仔，到左大圍，丫庭已經黎左啦，咁我地就行啦．．．．

 　   返到學校，岩岩好上得，唉．．．又要行４層，累死啦。今日早讀，我拎返之後果本小說，好好睇丫．．．第１，２堂數學，好悶啦，教埋Ｄ〔有理數〕，暑假都學過啦，Ｅ＋又要學丫，煩死啦．．．第３，４堂地理，教Ｄ比例尺，又係數字，雖然開頭唔明，不過最後都明哂啦．．．第５，６堂中文，又教完第２課啦，做問答果陣，Ｍｉｓｓ叫我喎，好彩我識姐，嘻嘻．．．lunch同丫庭＆丫沈去買飯，之後同欣豬係家資〔家長資源室〕到食．食完就係到玩，好好笑丫．．．第７，８堂英文，超悶丫，落堂果陣，仲俾個八婆罰企，正１仆掛．．．　

 　　放學之後同丫庭，丫沈&欣豬去左新城市行，行到中途，丫沈又嬲，走左去，咁我地３個咪自己行囉，行到６：３０返屋企啦．．．．返到屋企，睇左陣電視就玩電腦，之後就去冲凉，沖完凉７：３０就食飯，食完就打日記＆睇電視啦．．．

　　今朝６：４０起身，換完衫就食野啦，食完野，坐到７：２０就出門口啦，到左大圍，丫庭仲未到，咁我咪去〔ｏｋ〕到買枝水，之後就返火車站等佢，等左陣佢就黎左啦，咁咪行返去囉．．．

　　到左學校，見到丫沈啦，咁咪同佢講〔生日快樂〕，之後就係到排隊啦，勁熱丫，上到去課室即刻開冷氣，之後就問陳樺欣借英文黎抄啦〔係咪好曳呢〕，抄完之後就打鍾啦，咁咪聽埋Ｄ無聊宣佈囉。第１，２堂數學，好悶丫，Ｄ數超易丫．．．第３，４堂英文，悶爆，又唔明佢講乜喎，咁咪係到畫枱囉．．．．第５，６堂商業，Ｄ時間過得好快丫，勁快就放lunch

     lunch同丫庭，丫沈＆欣豬去大排擋食，勁熱丫，食完就返學校，點知課室冇開喎，熱到死丫，跟住唔知邊知爬窗入４Ｅ開門，咁我同欣豬咪入去先囉，打鐘果陣，板工先黎開門．．．第７，８堂地埋，Ｄ野勁易丫，小測可能岩哂．．．嘻嘻

　　放學果陣同丫庭，丫沈，欣豬＆ｂｉllｙ去左新城市行街街，行到５：００就返屋企啦．．．．．