本身以為要等到九月十七日先可以轉到房,心情極度差，好彩之後一天他們說可以轉到房，今日上哂堂之後去轉房，勁大，而且都是三人獨立房，我揀左一間不是最大亦不是最細既房，幾開揚，不過冇露台，係落地玻璃，有些少失望，因為冇地方俾我哂衫，得window 位有幾條鋼管，但我想依家已經有番我原本要既房住已經好好了，而且我本身個同房選擇了一個人繼續住最先check in 既房，有些擔心佢一個人，我已經非常好既情況喇!

今日第一日開學，只是sit 堂睇下適不適合自己先決定讀唔讀，我sit 個兩堂好悶，自己完然冇興趣~~ 陣間再寫!!! 7點要食飯，我依面三餐都係定左時間落下面間餐廳食的~~

開始要習慣與人一起活動，一起食飯，一起出外，講到底自己都係不太夠信心，究竟自己可唔可以做得到，與人相處係我其中一個弱項，在蘇州雖然有很多東西都需要習慣，最難習慣的我想只有這一樣吧~

 如果問我有沒有想念屋企人，我可以肯定地說：有。我已經後悔帶左個相架同家庭朋友照片了，一睇到d相，我的思鄉心情開始濃烈。為了減低依種情緒，我已經收起了相片同相架了，實在唔想太影響自己學習心情。

而我聽日就會買電話卡，到時就可以日日打電話回香港了。

獨自在外，決定權在自己手上，很多東西一決定就要承擔後果，即使問過別人，話事的都是自己，好像買唔買單車，我就十五十六，買的話就可以試下大學讀書踩單車上學既體驗，只有依次機會而且唔使朝早迫巴士，而唔買既話就除了省錢之外，較為安全，不過要迫巴士(只限早上)，去其他地方要步行，較為浪費時間。 不過我比較想買單車多些，因為依度學生大部分都踩單車，而且有好闊單車路。

好多東西都要由自己決定，選科之餘，又要想點樣偷時間出去玩，又要想有關洗衫哂衫既事，又想sit堂之餘睇下大學既環境(蘇大是非常大!)，一切一切，有時我真係覺得幾花精神，唔似在香港咁日日唔使點想東西。

昨日去左睇蘇州既名勝，晚上去遊船河，都算不錯呢~~