近來比較熱衷於睇鬼故事,原來香港地有好多依d事情!!不過無論依d事是真定假,我都唔會盡信,當係一個幾恐怖的故事黎睇,如果要問我信唔信有依d野既存在,我會講有,不過,只要人在世,冇做咩虧心事,正正直直地做人,其實又唔使太過大驚小怪.
講番個日誌既主題,點解會想到有關珍惜既事呢~ 其實是因為我幾欣賞既一位香港明星,張國榮,我like佢既歌時就係佢離開世界時先開始,其實之前都知佢係香港既super star,但唔多覺佢比其他歌手有咩特別不同,所以冇咩點特別留意佢,係當佢死左之後,先再聽佢d歌,先越來越欣賞佢,亦令我覺得佢係香港男明星之中既no.1.基本上無人取代到佢在香港影,樂壇既地位. 不過可惜已經離開左我地.
依家香港既樂壇已經極度低迷,被大陸,台灣,韓國等地大大拋離,sell樣既但冇唱功既歌手大把,九十年代紅既歌手d歌同d後生既斷層,基本上冇學生會聽所謂老歌手既歌,而且香港歌曲太多關於愛情,大佬~香港人好實際,個個日日都談情唔做野咩,日本呀台灣呀d歌不知幾多元化,你可以聽既歌類不止一種,偏偏廣東歌得依一樣野,再唔係就攞依家興既野做題材,不過搞到不倫不類,不知所言,我對香港樂壇冇哂信心,所以依家聽既都係台灣歌,歐美歌,韓國歌,日文歌同比較舊既廣東歌,新個d廣東歌真係不敢聽,費事嚇親自己,連個d所謂樂壇頒發禮都唔睇lo,冇意思,都知邊個有得攞既,全部內定,算吧啦~
|
