今日毅進有聯招,原本都唔想去,但係無理由唔去報讀d自己想讀的課程

今朝7點半同阿潘去九龍灣,8點半開始去排隊,一直排到差唔多12點就得到一張毅進聯招入場籌

可惜的是就算有籌都要繼續排,到左2點以為可以入會場填表,但係,頂,原來係上天台再排

經過一輪暴曬,終於入到會場,填完表,我所做的行為同之前起阿榮同森爺屋企睇果套把妹俠的亂入MTV差唔多

只不過我係排隊,唉,比錢同比表地方唔同,全部做完都已經到3點

食完飯再搭地鐵,番到屋企都5點

經過今日,我發誓,再要我排多次,不管威迫利誘,我都唔會去!!

等等,利誘的話就要睇睇用d咩黎利誘我