好耐無打過blog喇,今日打一打,順便補番上個月

一開始,就由1022講喇,基本上除左1009之外都無咩特別野發生

日日都好機械式咁過,9點番去將d貨入箱,之後1個鐘食飯,食完就繼續做,做到8點

番到屋企就換衫,之後食飯,9點半打機,11點半去訓

好喇好喇,題外話講多左,宜家開始入正題

10月22日

果日都幾開心嫁,生日嘛,而且放假,朝早出去攪身分證d野,一出深水埗地鐵站,就見到,就見到AKB48起1024響西九龍中心搞握手會既海報

but一諗起要番工,就諗住求其叫個二打六去影相,搞完身分證去AKB48起香港既專門店門口影左幾幅相,無法啦,人地24號先開

番到屋企食完飯就玩白騎士同A.C.E R,到左4點半,諗住去買野,點知...............................除左嘉豪同阿潘,榮森樂鋒,全部,係全部,無錯係全部人

都去左我屋企集合,天啊,我既家幾時變左官方活動專用集合地點,明明講左起地鐵站等的說!!!!!!!

今次生日去左唱k,原本我好開心,不過佢地開心過我,因為今次係我比錢,哈哈哈......一出糧就用左一半

不過,都係鋒最有心,吓,點解?因為得佢一個送生日禮物比我,其他人??唔係無送,係未送姐

榮同森佢兩個幾好人送首歌比我,不過我更想佢地幫我比錢,果日影左好多相,12點幾番到東涌重同鋒去左飲酒,雖然只有一枝,but not matter

今個生日P可以話係我最開心既一個

之後就係1031,就起呢一日,我.........................見到地獄

一個只能夠將d貨不斷入箱既地獄,一大早就係咁做,平時無試過做到想死,食飯果陣我竟然借左300比我個妹去海洋公園

我都唔知點解,宜家諗諗下,當係生日禮物啦,我無咩所謂,but我總覺得會有d野發生,只係唔知有咩發生,直到今日我都重係咁

好喇,上個月既講完,講下今日啦

今日番工重係對住個地獄,不過司機重辛苦,我只係將d貨入箱,佢係要送貨,80幾張單,真係辛苦佢,重要分開4次先送得曬

聽日放假,我其實都想去買咪,but無人陪&無野做,我唔想買完咪就走同去旺角行,因為我一定會又用錢

我明明要儲10000起戶口,睇黎每次出街都要鎖定入手目標,唔可以見咩買咩

唉.....又要等多幾日,先可以收到阿龜d相,真係......orz

今日放假,同嘉豪,樂哥&阿潘出左去旺角

好彩7號出左糧,有錢買game同買新衫,新袋,新銀包

一開始起青衣行左陣同食野,之後先去信和,我買左ACE R同白騎士之後去左買衫

起旺角行到7點,唔知點解去左九龍塘又一城食飯

之後番屋企

今日行信和果陣,真係無見過初音,真的

可惡的阿榮,一知道22號我請唱K,竟然同我個無恥的細妹一樣,話去

唉,可憐的我只可以起22號到之前,努力OT

好了,宜家打陣ACE R,就訓,白騎士就留番星期二先玩

今日8點起身,都係做d最近差唔多日日都要既野,番工

番到宜家都有少少無聊,特別係星期一至五,因為阿龍番5點,所以朝早果陣得我一個人

差唔多到2點果陣見到穎文,真的,唔係我老作,佢去做收銀,而我就番入倉,繼續將d貨入箱

入到5點,以為阿龍會番,點知佢人影都無個,即係請假,搞到我一直得一個人入貨

到7點半,收越區貨的終於黎左收貨,而我可以收工啦,拍左卡收工,我上左去地下

等到8點,見穎文收工,就同佢一齊走,順便問下佢最近點,話曬有年幾無見

番到屋企,果防毒又入黑名單,用左1,2分鐘搞定,之後上msn同人吹水

之後玩nds

宜家我決定,16號去旺角入貨,之後22號唱k,我請

等陣,16號,阿潘好似話果日唱k,都係算,等到有其他人正式通知先理

等我阿,白騎士&王牌機師,我一定會將你兩個買回來

今日2點幾出左去展翅,目的係攞錢,攞番d車馬費

攞完之後,重要報班,我報左個調酒員的課程,呢個完全係為左興趣而報

之後5點去左番工,好無聊,得我一個,重要係無咩貨可以比我入箱

唯有將明天朝早的貨入箱,入曬朝早,就要入夜晚,因為唔想出去推車

中午果陣,嘉豪打比我話22號去唱k

宜家我重考慮緊果日唱k好唔好係我請

今日第一日番工,感覺幾好

唔洗做好多野,只要將d貨入箱,之後放上車就ok了

開始果陣係感重複一個動作,不過食完飯之後就唔同曬

做左1個鐘頭就已經將今日朝早同夜晚d貨上曬車,就無野做啦

不過我無蛇王,反而出左倉,去推手推車,推推下見到個老朋友黎見收銀

樂哥,呢個老朋友你都識,重有同我同一間中學的朋友都識佢

一,佢載眼鏡的

二,佢中學無同我同班,但我同佢都識對方

三,同森爺差唔多(起某一個角度睇,佢係,我覺得)

宜家提示有三個,但真相只有一個

推到唔知幾點(無睇鐘),入番倉,見到阿龍(同事,P.S.樂哥,你識佢嫁,唔記得要去訓釘床),吹左陣,就係時候勤力下

同佢出去推車之餘,佢重帶我參觀休息室,之後我就繼續做,到7點半放工

今日做果d野唔係好辛苦,最小我覺得幾好玩

宜家係時候訓啦

P.S.我星期三放7點,之後果日放假