今日差唔多2點先起身,刷牙果陣,阿榮同森爺就黎左

佢地見我部NDS玩到黑白,就叫我幫佢地搞,搞完都差唔多3點

佢地打比樂哥,但係樂哥未起身,不過比阿榮強制要3點半起身

因為等樂哥,所以開左部PS3玩火影,玩到3點半,樂哥到左,加入戰團

到4點半先落街行下,全程麥都講下,講下買PS3&PSP Game,講下請食飯,講下拍片

明天番工,宜家我都唔知自己緊張定係興奮,總知明天唔好遲到就得啦

一出糧,又要請食飯,又要買Game,都唔知有無錢剩

宜家要買的Game又多左,今次比個天玩死

目前必定入手Game名單:PSP《與AKB1/48 偶像戀愛的話》
                                            PS3《白騎士物語 光與闇的覺醒》
                                            PS3 《王牌機師 R》
                                            PS3 《蜘蛛俠：破碎維度》  
                                            PS3 《高達無雙3》  

可能入手Game名單:PS3 《戰國BASARA3》
                                     PS3 《如龍OF THE END》 

終於打完啦,係時候要訓

今日番展翅學寫求職信同履歷表,好無聊

不過寫寫下求職信果陣收到個電話,係Taste打黎,話請左我,問我幾時番得工

今個星期都要番展翅,重要係全日,唯有下星期一番啦

宜家最煩的係開戶口,又唔知洗唔洗監護人簽名,又唔知要搞d咩

不過番左工之後都可能無時間陪fd

唉,算啦,好彩佢地要番學,如果唔係,都唔知有幾多日可以陪到佢地

總知宜家淨係煩戶口同買黑色衫,朋友,暫時無視好了

今日淩晨12點去左鋒屋企玩麻雀,去到1點果陣,鋒有個fd去左借wii,所以我,鋒同鋒的fd(鋒有兩個fd黎左)轉左玩鬥地主

2點,鋒同fd落去7仔買野食,而我因為無帶身份證係身,所以留左係鋒的屋企,自己玩數獨,玩左10分鐘,佢地番黎

鋒幫我買左件三明治,我食完三明治,去左借wii的fd都番左黎

因為要插線,所以搞到差唔多到3點先有得玩,我就一直玩到4點半,之後諗住起鋒屋企直接訓到7點幾起身番屋企換衫刷牙洗臉,再出去番展翅

不過,我完全訓唔到,所以直接唔訓,一直玩到7點,到7點幾,佢地去食早餐,我就番屋企換衫刷牙洗臉

到9點就出門口,搭地鐵去荃灣,用左唔洗15分鐘搵到上堂的乎地方,之後到10點就開始上課

一直上到下午6點幾就搭車番屋企,搭車果陣,我的身心已經進入左超眼訓的狀態

鬼叫我玩通宵唔訓咩,番到屋企,即訓,大約一個鐘頭後就起身食飯,食完就沖涼

打機打到10點半就訓

對於今日朝早所發生的事,我終於自己忍耐的極限

起阿潘打黎前一分鐘,唔知點解自己醒左,都唔係d咩事,之後阿潘打黎,話要去我屋企入game

好,我就入比佢,差唔多到10點,佢終於到左,之後d小事可以忽略(例如李X傑黎左)

入完game都11點幾,打算佢會走,而我就繼續睇漫畫,點知阿潘當正係佢屋企,用我部電腦睇動畫同漫畫

我頂,搞到我原本諗住一口氣睇埋剩低的話數的計劃亂曬,就起就到12點果陣佢終於走啦

講真,起佢用緊我部電腦果陣,我就快控制唔到另一個我,想打佢

跟著收到阿榮的電話,就換衫,換完就去左佢地度集合,唔知點解今日個個都著到好似要去飲

齊人就去M記食野,原本我已經食左飯,但樂哥請食M記,所以食埋一份

(但諗到自己番左工之後打算唔係請唱K就係唔知請食咩,總覺得自己蝕曬,所以都係請佢食7仔撈麵好了)

之後到荔景搵埋嘉豪就向旺角出發,GO!

到左旺角,落雨,又比嘉豪話我要露X

去到Chiu之堡,今日有好多戰利品..................但唔係我買

買完就去左信和,諗住睇下想買的Game重有無,有就有,但好衰唔衰,PS3出蜘蛛俠,結果比森爺用Geass逼住我搵到工出糧就要買左佢

我宜家只可以講,PS3你出咩蜘蛛俠,重要起我用錢用得最多果年先出,重有高達無雙你出咩3,又要我買多隻,你下年出4,我就自盡,不,係割左李X樂的小樂

行完信和,阿榮同森爺有事走先,我同佢地一齊走,得嘉豪同樂哥兩個二人世界,一齊去買野

搭地鐵果陣我向森爺提出中秋自閉計劃,不過馬上駁回,唔知點解,今年中秋唔想留起東涌過,主要原因係唔想去拍風X之草泥馬天下

拍呢套片其實係無所謂,角色個名勉勉強強都可以接受,不過劇本寫明話我同另一個人搶女,都無謂,可惜,只係個女性角色係由男人客串

呢個就係唔想諗拍的重要原因

番到東涌,我自己一個人去左Taste度填表,希望會請啦,不過,阿媽強烈反對我起呢段時間搵工,搞到我有好多野都要秘密進行

唉,只怪我報咩展翅,唔報就咩事都無,搞到我宜家工又唔可以番,又唔可以唔番果個一上就上足9個鐘頭的變態課程(P.S.番學都唔洗上禁耐)

今日12點幾同阿潘出去,起荔景同嘉豪會合,再去葵芳廣場間大家樂睇佢兩個食飯

食完就去新都會廣場個大堂,以為個招聘會起果邊,點知唔係,要去Y.E.S個大樓果邊

所以最後都無去,變左行街,起葵芳廣場睇下想買果d PS3 Game幾錢,起葵芳睇完,就去黃金睇

之後去埋旺角睇,得出果結論係..............

無一千幾百都唔好諗住全部買到

睇到d價錢直頭想喊,隻戰國BASARA3 $275(見到最平的)

白騎士物語 光與闇的覺醒 $499(一直見到都係呢個價)

A.C.E 皇牌機師R $530(這已經係最平,之前見到d要$599)

唉,睇黎我都要盡快搵到份工,先至買到