今日上中文堂悶到想嘔，數學堂先搞笑！！

佢本來話教書，點知我地話選班會，笑到我死下死下！！

Y mon 做左主席..........唔知唔邊個係副主席！！

跟住文書就係阿美，kelly 同冬冬 好似係康樂，我就超慘！！

同個低能仔做總務，  姐係做阿四！！仲要同個低能ge

唉.......早知就唔玩啦，好想再選多次，根本個個都係到玩

地理堂個阿 sir kai ge！！！係咁講：「係ar」！！無野講都話：「係ar」

跟住話我多咀，要我做科長，我有d唔想做...........

跟住兩堂PE堂，去度高同重量，仲有講d上堂ge規則！

我ge高度：174cm，比舊年高左 2cm

重量:60.6 kg ，都ok啦，肌肉多,,,,,kaka

平均我係20！！我覺得都幾 fit啦，又唔肥又唔瘦....yeah

放左學之後，同kelly、the 皮狗、阿雞、小旺返屋企，跟住kelly、the皮狗話跟我去跑 

返到屋企打俾阿馬，佢話唔收93~92年果d，so kelly 無得去！！

訓左一陣之後打俾 the 皮狗，點知佢阿媽唔俾佢出！！

佢同佢阿媽吵左，最後都有得出，跟住就去啦！

去到同阿馬講左d野，笑死我.............

今日我帶佢地熱身，同計時！都帶得ok啦.....有3次過左幾秒

最後一個圈，我爆左9成到，跑左1分05！都ok啦，the 皮狗最後一個返來，1分17左右

今日跑得好輕鬆，如果我唔係咳，我諗跑得仲輕鬆.......

跑完the皮狗去左夾腳指，跟住話星期六要上佢屋企.....唉

8點半就走得啦....聽日唔知想唔想去.............返屋企沖涼食飯

唉......死啦，我中文暑期作業仲未做完，唉............

今日返到學都係咁悶.................

今日音樂堂，miss 調我去同一個唔講野ge人(抽班生)

lunch 叫阿雞幫我去拎獎牌，我有兩個銀牌，一個係乙組ge，一個係精英賽ge！！

西史堂同人文堂都係Miss Wong 教，我之前仲以為Miss Ng，好彩姐！！

Miss Wong 好串，我俾佢串左一野，好野！！今年佢教就好玩啦

今日一到3點7就走人啦！！

返到屋企訓一陣，5點就去葵芳到跑啦！

去到葵芳見到XX同ZZ係到打街場 (我唔想講佢名出名，廢事俾人打)，我都好耐無踢街波囉！！

6點鐘就跑啦，今日返學好"支力"，唔多想跑，隻腳有拉住拉住咁！

今日又係跑錶，跑左9個圈之後，真係好"支力"，但係仲要跑多一個圈

仲要係1分鐘之內返到來，我就狂爆啦，爆左300M就無力啦，最後1分幾返到來！！

隻腳超痛，跟住我同佢講，我落返去1、3 跑！！ 無跑幾日就散晒

佢今日話我有衝勁，但d波就唔太好，=.=''........................

聽日要去ar，，但我唔多想去，因為隻腳好痛！ 又係咁咳，跑左一陣就無氣

唉.........今年甲組好似唔夠人，仲話唔搞tim (聽人講)

我想踢都無得踢，希望嘉俊今年踢啦！！！

聽日上PE 堂啦，但係陳乙山教，我唔想佢教ar...........

好悶嫁.................唉唉唉

The End

今朝6點3就起左身，跟住 down 左巴西 vs 阿根廷睇！！

跟住食完野，就上左去何成到睇啦！！

睇到7點11就返學啦................

頭一堂就班主任堂啦，又係到講佢睇書果d野！！.........  =.=''

跟住上d堂都係好悶，都係介紹下自已果d囉.......

第7堂入 hall，聽梁sir講d校規，超急尿，又係氣位...........

放得就去左廁所啦

仲有3個字就放學啦，點知老趙無野講

又係到講佢睇書果d野..........唉唉

一打鐘就逼佢放人，佢真係放喎！hehe............

跟住發生左d事............跟住我就返屋企囉！

唔多想打！！好"支力"

今朝又係去左打機啦.....11點幾就返屋企啦

(下面內容有好多粗口，唔好介意)

跟住1點 Ray 昌打來，話佢琴晚過左大海贏左6千幾！！

話去買boot ，屌佢老母！！等到佢4點幾都無叫！！！

打俾佢又係到爆粗，含家產啦，，屌  

跟住返屋企啦，去左買書，仲有兩本未買！！

我2個表哥來左我屋企！！

聽日正式返學啦.......未搞d野 tim！

今日朝早去借左本書，跟住去打機啦...........就快要返學啦，唔想打咁多

食完飯，就約郭俊同阿良上會堂

好鬼遠...........係葵盛東村

跟住個會堂番新過來，好新ar.......d地板好靚ar

去到係到踢細波，跟住俾佢鬧，仲要俾佢收左粒波，話俾個搞粒波就300下掌上壓

跟住d 人來齋啦，得馬仔無來，so 以後都唔俾來囉

佢叫d人上台打摔，我同唐鏗果d係到玩數獨，玩左半粒鐘，先填到兩格..

跟住阿馬去左呵屎！！我地班人就踢波啦，佢係入面到講，出到來我地就死得

跟住佢問小飛邊個搞個波，如果小飛唔講，小飛就做300下！

小飛就做啦.........好有義氣ar   小飛都無搞個波嫁！！！

跟住就無野做，用數獨果d 報紙包成一粒波，係到踢..........正

跟住玩組織、馬騮搶球，，超搞笑

我係到玩 psp winning9................好悶

打完摔都6點幾啦.........跟住阿馬話玩攬球，超好玩，打晒交咁

我地贏左 3:1 .......我入兩球..................hehe

跟住做左d 體能ge野........有d人就走得啦！

我要留低聽佢講話劇果d野........唉唉唉........

佢講左佢d威水野.........歐偉倫以前跟阿馬，佢細個張相好搞笑

講到8點就走囉................落去葵芳睇下d boot 幾多錢，adidas 果d 全部$309

跟住就返屋企啦.........沖涼食飯！！訓教