哈哈哈,今日聽個4方果講野,真係好好笑,
笑都有咁多種分法,不過以我既呆居居精神黎講,
我都係聽完就算,笑完就算...

今日放學竟然比我見到大佬,呢位大佬真係唔係大佬,
我叫佢做大佬,佢竟然好比面我叫我做大佬
咁姐係點呢?
事實就係....佢年齡細過我,我尊重佢先叫佢做大佬

之後無無聊聊咁講2月頭打war game既事,
請唔好誤會我搞果d幾p幾p既party,
我係講緊真係拎住支槍果d war game

然後,到左總站,我就同俊哥(同一班房下)"分手"了.....
"~唔緊要,希望在明天ar ma~"
after that,我同"大佬"走到佢樓下又分開了...
"~生命無希望,前途無得望~"

最後得返我自己一個人係返屋企,
係行緊返屋企果時比我諗到中1果年聽到既一首歌入面一d既歌詞....
"獨自漫遊於街角上,燈光淡黃帶點哀傷..."

係以上既歌詞入面,我諗諗下又諗到,
"其實,我依家係咪做錯左呢?如果係,我應該要點做先至可以補救到呢?"

諗左一陣,之後得出一個結論:
即使我依家做錯左事而冇曬朋友,咁又點姐?做錯左就做錯左,預期想補救,咁不如將錯就錯,最起碼唔洗再要用氣力去修補佢,
跟據我既懶人定理--花最小力量去轉取最大既收益,再加上我已經唔想再理以前既事

不過如果想我理以前既人,我諗佢將會死得好慘(睇情況la..),
因為我依家先至真正咁開始玩呢個人生遊戲,

冇人教放氣,我都唔會放氣,因為...
我係一個懶人,我都懶得去放氣