致果一位成日都鐘意話我成日群埋班MK仔同好鐘意作文既熟悉又陌生朋友:
最近好嗎? 我知道你答我好好，其實我真係好想同你講,我都幾好，擁有一個愛我既人同埋一個天真既小朋友。
如果唔係最近比太太追問你既事，再加上呢一排成日訓覺發夢夢見同你可以好好盡情傾一場計，或者我未必諗住係度打Ｄ野落去。
點都好啦！我覺得自己總算成功將自己形容黑化左？或者到依一刻我都仲係諗得咁幼稚。
太太追問你既野，可能感覺到我對過去既事仲有留戀，不過我都好直接同佢講：無可能！絕對無可能再一齊！
＂因為大家太了解對方，佢知道我性格而我都知道佢諗法，更何況我當時仲特登踩到佢底線。以後我再搵佢既話佢只會見一次憎一次，有必要咩？＂
＂咁佢如果主動搵你呢？＂
＂無可能！更加無可能！佢都已經當左我係一個吹水唔抹嘴既人，又點會主動搵我，就算我唔理咩原因搵我都好，你覺得佢係真心咩？＂
＂咁佢....＂
之後問左一大埋假設性問題，我唔記得左，我唯一能夠答佢就係無可能！
並非我唔可能答佢其他答案，只係呢一個係唯一既事實。
到左最後，我同佢講一樣野強制結束呢一輪既Ａ＆Ｑ
大致上係咁講：
＂其實我同佢既事完結左好耐，大家能夠各自安好已經係最好既結果，你覺得我想唔想回到過去？我答你唔想肯定係假，但改變果一刻事情又如何？
大家只會繼續無止境嘈落去，然後又分開又復合。我成日講無可能再一齊唔係哄你，而係我做左好多佢好憎既事情。佢曾經都同我講無必要咁做，
只不過我唔咁做佢又點會覺得唔好，而我又點會忍到痛放手。到最後又比我遇上你呢？＂
＂咁你...＂
＂好啦，我都無問你前度既事，你唔好再問咁多啦！＂
哈！果一晚就係衰多口講左呢句，搞到我成個星期比佢問，直到佢細佬宣佈結婚消息先成功轉移到話題
人大左少少，事業係咪算有成？
至少係我角度仲係屬於同志們仍需努力既狀態，自己由你知道既茶記，地產，然後到保險，保安，再由機場，車房再跳返去機場，到最後返黎保安公司做膀頭兩粒花既大Sir，
已經有１３年頭，係呀，都仲係咁痛苦且快樂著，畢竟當初我搵工既要求就係可以抽到時間出黎陪下你，當然依家呢份工我已經係我ＦＦ到既事，返工仲可以偷雞陪太太同呀仔
咁你呢？份工係咪滿足到你呢？
我好奇，真係好奇你近況，只係唔敢打擾你，更何況萬一真係再有聯絡，我知道自己又再一次失控好似上一次咁...
如果你仲有睇到呢一篇文，其實我好想同你講：
你係一個好好既人，只係有時候可能會脾氣好大，呢一點我明嫁！當時既我真係唔識得點處理，最後變成大型災難級現場。如果時光倒流，我會選擇帶你走，
至少我睇得出你媽媽當時其實同你一樣性格：口硬心軟。我更加睇得出依家既你同當年既你一樣無變！我更加相信只要有一個人能夠忍受你既＂任性＂
佢最終一定帶得走你，而你都變得無比溫柔同善良。我講既任性並非真係任性，ＵＭ....我諗應該叫缺乏安全感既反應。
希望你相信我上面呢一段說話，依家搵到就好，搵唔到只係佢未係最好！
過去左既事，我已經放棄治療，更加唔期望你會對我有咩改觀。我更加唔會覺得你會認為我有時半夜為左腦袋入面突然跳出過去既畫面而喊醒，
我更加好想同你解釋當年分開所見所聞都係巧合,什麼MK仔其實係佢主動陪我壯膽,什麼我食煙其實我根本都唔識食一直打空炮....
只係千言萬語都不及心中祝你安好！
最後既最後，其實我上次已經想刪左個A/C,但搵左好耐都搵唔到，可能群得太多真係又old又seafood既oldseafood變得思維都老啦！
邊個可以睇到呢一篇文既留個言比我教我點刪，ＴＨＡＮＫＳ！
|
