真係好耐好耐冇講過既話題,<<自我介紹>>
今日得閒小小,咁就講下la...
我個名叫莊穎恒,今年15歲(未過生日)
我識好多好多人...其中緊係有d重要既人物la...
之於我識既人入面,我總共分左三類,一類支持我既,一類反對我既,第三類係對我冇咩意見
係第1類入面,
識我既人都叫我做,
公安,莊哥,莊,大佬
第2類入面
識我既人都叫我做,
on居仔,屎忽恒
第3類入面
識我既都係叫我全名嫁la...
係我識左咁多人之中,
我有幸同2位人兄變左好友
,更加以兄弟相稱,
我以下用兄弟既排名黎講
1.我
2.文浩
3.錦源
當然,叫我莊哥既就係2弟文浩la...
呢位算係同我最傾得心事既人
雖然係咁,不過有d野我都唔係太信任得佢
例如係公事上,
佢係公事上比起我黎講,係冇咩超高速效率,
但係佢有一個優點,就係識得娛樂大眾
叫我莊既,就係3弟錦源
呢位雖然唔講得話係傾得心事,
但係係公事上,或者係興趣上都係臭味相投
就好似公事上咁,我只要講幾句,
佢就會明白我想佢做d咩
係九形人格,又或者係其他既測驗之中,
好多好多既分析結果係話我係一個領導人才,
雖然我都我自己係有d特別...仲有副將軍相,
但係我唔信,因為我冇果種領導人先有既霸氣
又或者咁講,我跟本冇能力統領一群人
之於我既待人接物既態度,
我對於呢個世界係感到不滿嫁...
因為呢個世界實在太多罪惡係度,
所以我只有對於所有野都以玩世之態
黎搵出內在之美,
我相信既唔係人既外表,
而係內心果種美態
只有內在美之至可以稱得上最美
對未來既睇法,
如果聖經真係冇講錯既話,係2020年之內會有一場大戰
聖經既講法係撒旦引起既大戰
而我地人類既講法係,第3次世界大戰
當然,我係唔知咁多野la...
如果真係有既話,我會選擇企係保護無辜百姓果邊,
點都會好la..即使未來有冇呢場大戰都好,
我點都會對身邊既人作出保護
----------------
到依家既自我介紹都係諗到咁多,遲d再整過先...
|
