今日真係開心,又同女朋友去睇戲,返到屋企靜左陣,我諗,雖然大家最近都係咁嘈,但係最後都冇事,真係床頭打交床尾和xd

嘿嘿,到底大家比左對方咩第1次呢...@@依家開估先><
最印象深刻既係第1次同一個當時仲係識d唔識d既女仔示愛,果時真係有d唔好意思,仲要係網上面示愛,仲要係fd屋企
雖然個內容有d唔記得左,但係我最記得既情節係佢問我點解鐘意佢,我就答佢"因為我見你既行為同之前唔一樣"於是佢就答應
好似一個好奇怪既示愛方式,但係總算係開始左
另外仲有個印象深刻既係第1次約佢出街,雖然係黎左我果邊,但係有好多第1次都發生係入面,就好似第1次好真心咁表白,第1次拖手,第1次咁攬住佢,第1次咁望住個海同天,呢d回憶真係令人開心^///^
之後都仲有好多既第1次既...不過呢d就唔多講,因為呢d第1次都令到我印係心入面
第1次睇戲,第1次唱k,第1次講生日快樂,第1次接吻,第1次講我愛你,第1次一齊諗將來,第1次傾心事,第1次一齊玩,第1次一齊溜冰,第1次一齊食晚餐,第1次一齊食日本野,第1次唱歌比佢聽,第1次哄佢笑,第1次為佢做好多好傻既野,第1次寫信比女仔(佢),第1次帶女仔上我屋企食飯(呢樣係因為意外,不過都好開心^^),第1次扮得好邪惡既笑聲比佢聽,第1次比件3佢著,第1次發現冇左佢唔得,第1次覺得唔再凍,第1次有種安心既感覺,第1次送禮物比佢,第1次同人分享我既所有.....wa...多到都數唔曬,仲有好多ar...

黎緊就係佢生日,等我做多幾個第1次先....呢幾個第1次係咩黎呢...秘密xd
不過...佢點都係我第1個同樣最後一個真心鐘意既人,因為...我個心只能夠受佢一個人既愛,佢既喜憤哀樂,佢既憂慮,佢既所有
除此之外,我再冇能力搵多一個人,兩個人,什至多個2個既人入去,我唔似有d人咁可以去到n角戀,但係我可以似細佬咁鐘意一個人直到永遠