黃曉柔,呢個名我永遠都會記住,你帶比我愛,帶比我痛,帶比我恨,
因為你,我覺得有一個將來,
因為你,我覺得將來會係辛苦,不過係值得,
因為你,我個得將來冇可能會發生,

你話你唔愛我,我唔可以好似你咁樣咁冷淡,咁冇野唔在乎
你既一言一詞令到我憎你,同時間令到我自己既內疚咁愈黎愈多,
我內疚唔係因為我憎你,而係點解仲要對一個唔愛自己既人有呢D咁無謂既感覺

以前我唔信你會變,直到我畢左業,直到我做7仔,直到我第1次聽到你講分手,
由果一刻開始,我都變左,唔再咁能言善辯,好心痛,好心傷,
你叫我唔好講呢D負面說話,但係你又不斷講

我講任何話題,你都冇興趣,我想你係FB認我係你男朋友,點知變左做老豆
原來呢一切一切係為左依家呢一刻,我明LA..

你話我想點講就點講,話我有問題,睇黎呢D只不過係為左要離開我既借口
你唔洗講曾經愛我幾多,因為曾經既愛只係得3個星期有效期,係之後我完完全全FEEL到你變左
我知道你話你想係畢業之後分手根本係一個比你自己安樂同FINAL CALL比我知

我同你對話入面最後都好假咁講左句祝福,我都知道你好好人比左個落台階我,
感覺真係好難受,不過點都好既..要多謝你一聲
我希望你唔好咁港女,唔好再扮細路,你根本就唔似

其實我真係好想同你計較返我所失去既野,但係時間都過左去,要失去就已經冇得追返,就算追得到,我都唔想望到
你送比我既野,我真係唔想望,你之所以成日見到我放左係個箱入面唔令出黎,
係因為呢一箱入面既全部都係你對我既愛,但係你變左之後對我再屬於同呢個箱既愛,
我見到依家既你係無比既假,無論對人又好,對我都好,我個心反正都已經化成沙,
你咪當我發嗡風,反正你份人唔同我,你對我都唔再理我嫁LA...

好多對你既怨言,好多憎你既說話,好多想比你但係比唔到你既驚喜,
無LU,無曬,你話你想去黃金海岸,其實我好想帶你去,但係我相信依家唔會,
我諗要交比下一任既人去做,如果有機會做朋友既話,比我知道你既下一任,
我諗...我會好認真好認真咁同佢講要小心照顧你,如果唔係後果自責

我心內面有十萬個疑問好想問你,其實你係咪有第2個男朋友?
可能係可能唔係,不過結果點都好,都冇所謂,反正你當我係外人
我又何必自作多情自作自受呢...

最後,如果你真係睇到呢到既話,證明左幾樣其中一樣野
1.睇我點死--對唔住,你同我講分手我雖然好嬲,但係我真係冇咩野,喊都喊過,我真係心死(當然你回頭既話我又好死心咁答應,真係自己骨頭賤)
2.關心我--好多謝你,不過你都唔愛我就唔好再關心我,你咁樣令到我好唔舒服搞到我好似欠左你
3.八卦--如果你唔怕我狂煩你既話你就即管八落去

最最後,真心既,真係真心既說話:
笑一聲姐係冷笑,笑兩聲姐係假笑,笑三聲姐係真心笑
拍拖同笑係一樣,既然大家都已經係真心對待,何必一定要分清楚佢到底諗咩,結果自己比左一段感情出現裂縫
如果當初我唔係同你講分手,如果當初我係真心對待,事情根本唔會到依家,你都唔會變到好似個痴線咁
我唔理依家你係咪有第2個,我都希望佢對你唔再好似我咁,會係更加溫柔,更加似一個公仔,永遠可以比你出氣,
同埋我真係好想你分清楚,有一個人永遠錫你寵你唔係必然,同時間愛你唔等於好似我咁你想點就點,
只係我份人比較冇所謂先至你點對我都得,仲有好多樣野,不過依家講埋出你都根本唔會明,等你真係成熟D果時先再同你講都未遲
祝你永遠有個比你出氣男朋友XD

我都要去醫院睇下我個死人天生唔會野比人但係會愈黎愈嚴重既病LA
我以後唔準你喊,即使要都要諗住開心既野黎喊,知道嗎?

 唔記得左呢樣野添,我諗你唔知點解我成日喊既真正原因,以下呢個網站大部分都解釋左點解我喊
http://forum.qooza.hk/viewthread.php?tid=505775