依家心情,麻麻地,今朝收工,同個早更吹左陣水,
之後先知道原來佢老婆早幾十年前過左身,
突然有d感觸,佢同佢老婆早係小學2年級認識,之後一齊拍拖,結婚
佢好感嘆話同佢行左一半路佢老婆就走先,我從佢眼神睇得出佢都唔係好放得低佢老婆
雖然話過左十多年

回望返我,我曾經都有個人愛住我,最後都係因為無耐性而走左,
可能係我講野太刻薄,可能我絕情,望到身邊既人一對對咁同我say hi
我就知佢地就以後好多時間都唔會再想到有我呢個朋友
你呢?我相信你已經唔再當我係d咩人
我都唔會再迫你,唔再用咩方法去擊潰你,
始終迫你唔係一個好方法,
你身邊既朋友開始多左,我諗你都會忘記左我有呢個人
我都好努力從名為"回憶"呢個羅度拎走曬所有我同你既記憶
我唔想聽到任何一句"討生活" "所有野都係藉口"呢d咁負面既東西

一個持懷疑我但愛我既人,即使我對你坦承幾多次,你仲係唔信我的話,
我諗就好似我某個你唔認識但係你見面的人所話,
"算吧la...比對方自由la,因為你都冇能力令到佢信你,不論佢係真睇小你定係假睇小你,冇能力就係冇能力"
命運既野真係一早有安排
哈!

之後坐果架巴士我諗佢唔單止過海,仲要係墮海,成個車廂包括d set位都係濕既=.=
結果我一坐落去可想而知咩事,真係抵自己死

黎緊去小西灣滾半個月xd都似係坐控制室,算係叫做升左半個職la...
如果做得好我諗應該會長坐係度

人,總要睇得開;心,總要識得放;事,總要做得醒;愛,不能相比從前的她和現在的她
咁就會有新的睇法,咁就會有新的方向,對我而言
只係心依然會痛,不過都要努力踏過去,畢竟呢個始終係我的沖動+佢的不理智所做出黎