琴晚見到FB度,有人叫我做佢女婿,
突然唔開心,感覺上有好多好多事想爆想爆咁
我同佢已經分開左,佢有唔小男仔追求緊,而我只係坐係度呆下呆下

直到今朝,返到家,佢SMS比我知佢有野比我睇,開左機,
佢比我既,我先知係相,我睇到之後不停反問自己,點解仲要比相我?
佢答,佢想大家有個好既回憶係度,見證住大家相愛過
我唔知點應佢,面對住一個咁好既女仔,我內心感覺係有種唔捨得
好賭氣同自己講,呢D回憶我寧願唔要,我寧願忘記發生過咁既事

只係有苦自己知,我唔想再影響佢,我淡淡地答佢,我會KEEP但唔再睇,因為你唔再愛我
我意思其實想話比佢知,我永遠都咁愛你,但係分開左已經係事實,因為你我已經唔再係有同一個目標了
不過我諗佢只會睇唔再愛我呢4個字,不過唔知都好既...起碼大家唔會有後悔,佢有佢另一個心愛既人,
我有我坐係個"討生活"位祝福

謝謝你,多謝你,感謝你,我有好多說話已經講唔出口,你知唔知道?
我多希望你明白我感受,但係點解雪怡得,果個女仔得,我D兄弟得,偏偏你唔得AR...
好後悔我自己點解要愛上你,搞到我依家變得軟弱左,
我憎自己點解係一個有記憶既人,永遠都記得你既好,我對你既壞

我唔係諗野負面,而係對住你就有數唔盡既痛,
想講出口,總會比你反駁得冇野講,唔講出口,又比你話到我更加唔想講野
你係好人黎,每次都原諒我,但係可唔可以唔好成日企係自己既角度諗野?呢樣係你最大既致命傷
同你一齊,你要我樂觀D,我邊次樂觀果時你唔會話我自我偉大?
我唔開心果時發脾氣果時,你邊次唔會話我永遠抹黑你

面對住你,我好攰,我想逃避既時候,你就叫我面對,我面對果時,你自己又逃避
我內心好多個點解,點解我忘記唔到我對你既愛?

不過算LA...每日飲下酒,喊下都應該好令到果種傷痛麻目,反正都已經唔係第1次了

今日返屋企既巴士真係亡命,係咁飛站,CUT線似甩尾,搞到我都驚驚地~.~
仲有AR,叫我做佢女婿果個人,唔好再SEND D咁既人,對方都唔再愛我,只係佢既朋友就算LA...當佢再諗起我果時先再發咁野比我LA...
可能到時佢遇到個比我更好既人呢...