依家返緊工,又係自己一個睇場,都OK既...只係諗起以前開心既時光,
不過一切都成為左過去,佢變左,我都變左,主動地變定係被動地變都已經冇所謂
因為佢唔會將我記係心上,我同樣將佢埋係內心深深處,
有一日,佢會結婚,但係佢都未必認得我呢個人
有一日,我處於事業既高峰,我都唔敢再搵佢
好想話佢罵佢,但係我好辛苦,唔想咁做,
但係忍得多,我又好想爆,我竉你錫你唔係愛你就必然咁做
我好唔甘心你走,但係我唔想捉住一段冇結果既愛情
我問過你,我地結婚好嗎?
你答我:
冇錢,冇樓
唔理智
最後你答我:
過多十年八年先
咁結婚本身唔係要好時間準備咩?
最起碼都要5,6年時間
定係你已經鈕曲左我既意思?
定係你真係以為講呢句說話我係唔經大腦,你一答應就即刻去AR...?
唔理你咩解釋,我依家見到你就好想發脾氣,
見到你又咩感覺都有,點解我識到一個做事都係咁混亂之餘
仲要話我雜亂無章,我只係顧你感受炸,我自己都有時間表
只不過不斷比你打亂,做7-11果時,你話我搵唔到食,我都知,因為我等放榜AR MA!!!!
我做Vango果時,你又話我辛苦,我自己本身都覺得係,但係唔辛苦點得世間財AR!!!!!
我做地產果時,我時間係自由,但係你唔好要求多多,我唔送你返屋企你就話我唔理你,你知唔知道果時我冇單開,日日比老闆插又知唔知道AR!!!!
果時佢同我講好多好多唔岩聽既說話,但係依家我明白LA
原來依家絕大部分既香港女仔都係咁,"當佢嬲果時,你送個LV比佢,佢就會覺得你有心,跟住就開心,當你日日出錢請佢搭的士,
佢就會覺得你重視佢,然後就咩都肯"呢D都係果時我老闆講既
之後做保險,你AR媽對我有好多唔好聽既說話,你就對我時冷時熱,
到左依家,做保安,你更加睇唔起我,成日話我為自己討生活,我同你講我下個月去小西灣係因為我升左做保安主任,你會信我咩?
跟本你睇唔起我,跟本你愛既係以前我仲讀緊書,仲有好多時間諗計黎哄你果一個白痴,
我點解叫自己果時做白痴,因為我果時仲信愛真係永恒,當自己訓街果時(當然冇咁既可能,只係一個極端既假設),你都會跟住我一齊咁做
我依家奮鬥緊,咁你依家做緊咩AR?唔讀書等一個有錢人嫁你AR?
留返下世LA,只係我似上一代咁想搵另一半可以幫下我做家務咁,因為我相信愛
但係依家唔信,家務既野,留比外傭搞,因為我知道呢個世界已經變得消極
愛既值價唔再係對方背後同表面所做既一切有多少,
而係對方係咩職級,收入有幾多,同埋有冇樓,
"冇樓唔會嫁,有樓先會嫁"呢句係你講,
你會唔會覺得自己開口埋口都講錢呢?
你成日怕結婚之後冇容身之處,有咩怕呢請問?5,6年既時間咪正正我去搵樓買樓既時間唔係咩?
我小搵你唔係我唔愛你,你怕D咩?怕咩失去.你一年前同我講你都唔再愛我,只係我死求爛求你,
你知唔知你欠我好多野?還到既依家只係得錢
還唔到既就係一段真真正正既愛
放心,我唔會再要返我為你付出既錢,咁係因為我要你就有藉口話我當你係妓女
我仲欠你一個人情,因為當要錢果時我冇比你,我唔理你果時係咪試我,我只係知道我自己性格比左錢你去打針之後我就唔會問你拎返
如果你死都要比返我,我實會唔開心,之後又同你嘈交,
不過果時係我唔岩,就當我欠你一個人情,係呢個人情未還之前,我唔會同你斷絕曬所有既來往
但當呢個人情完左,我就唔會再理你,可能有緣再見面,我都唔會再見你
因為我唔想再傷害你呢個咁"單純",咁白痴,咁傻,咁負面,咁只識得片面之詞既人
同你一齊,我好開心,因為你傻傻的愛令到我好感動
同你分開,我好唔開心,因為我自己做錯事了
再同你一齊,我好期待你又好似以前咁愛我,而我就更加愛你
再同你分開,我好傷心,因為你屈我愛上第2個,即使我同佢只係一個知心好友
再同你一齊,我說既話打動你,我一改以後愛你既方法,開始同錢做個朋友
再同你分開,你說我不愛你了,但我只係拚命搵$,因為你話要有樓先嫁比我
再同你一齊,我開始覺得攰了,因為你不斷搵藉口攻擊我,你幾乎從不讚你,我也是,但至少我係朋友,係知己,係自己內心都不停讚賞你
再同你分開,我喊了,因為朋友,家人都說你玩我,但係我唔信
再同你一齊,我開始唔知講咩,你有你不停攻擊我,我有我自己忍,忍唔住同人傾你又話我鐘意人
再同你分開,我今次身心都攰,點解同你一齊唔可以正正常常咁行街?一出街你就話我樣衰唔開心,即使我行街既表情真係咁
再同你一齊,我FEEL到大家已經只係依戀,即使我愛你,你都只係識得講"你對我好,我咪對返你好"根本唔明白愛係結婚既其中一個階段,我都成個人既意識都變得混亂,不停問自己點解會咁
再同你分開,我麻木了,我冇感覺了...你見識多左,吸收多左現在社會既值價觀,所以愛與唔愛已經對我變得"無所謂"
記住,依家你開心你既事,我喊係我既事,欠你一個人情,你幾時要還就出聲,
我正如你FB所講咁"我唔知你諗咩,我唔係你肚入面果條蟲
|
