琴日終於5點幾訓左,訓左13個鐘度,
訓既過程好平安,但係冇任何既野見到,
可能成半年黎都冇覺好訓,於是一訓醒就病左,無奈=.=

回想起以前,訓左咁耐一定會有個傻瓜好擔心我
不過依家呢個傻瓜已經消失左,而且佢同第2個人一齊,
佢肯定又不斷講我幾衰幾衰LA...如果唔係點得佢另一半開心呢~.~

唔好意思,搞到有D抹黑佢添~.~
其實佢都幾好嫁...最起碼佢一定係一個體貼既人,
我同佢分開都唔怪得佢既...只可以怪我對任何人都有好大既戒心

其實我覺得自己唔應該出世係呢個世代,
最起碼我個心唔知點解依然認為自己係一個將軍
仲要係以前既曹操咁,不過應該冇人信,就當我痴線咁講LA下

其實講出黎都唔信,唔知點解我覺得我自己訓果時,
唔係自己一個訓係將床度,總係覺得有一個人,
唔係,應該睇唔到但係感受到既東西係我身邊,
輕輕咁摸我面,然後係我懷中一齊訓,
可能我仲懷念LA...可能我有D思覺失調LA..
唔理邊樣LA,我諗我真係要搵一個人可以令到我心情舒服D

我突然諗起一篇文章好想同黃曉柔講:
當你發現你既男人佢開始比以前唔同,咁係因為佢將你開始成為自己既一部分

希望你唔好再覺得自己係唔顯眼既一位

作為朋友,我應佢既要求,預計今或下星期六就可以帶你黎學結他

突然突然諗起一位好耐冇見既朋友,
但係佢真係好好人,我有小小掛住佢,最起碼佢帶比到我平靜
仲考慮緊返唔返入去ING度重新發展我既業務,
我諗搵佢傾佢應該會比到我一D新既睇法
哈哈,冇計LA...以前有你,你都比到D我意見,不過認真講句,可能你講既野同我太同步
所以你講D咩我都係R曬頭,咩"你鐘意點就點LA...""你既決定又唔係我既"
永遠聽到呢D野我仲煩仲R頭,有好多好多次真係想搵第2個人傾,
但係我唔想你誤會所以都冇搵到
我幾偉大呢..哈,哈,哈=.=

我要盡快升職,我要讀書,我要讀大學,我要投資,我要做富豪
因為我要忘記傷痛,所以我要做好多好多野,我要計好多好多事,我要令到自己累死
但係死時都要死得有價值,我要自殺式讀書,自殺式搵$ XD