最近我心情都係一般一般,好多野想發洩都唔得,
屈住屈住果種感覺冇人可以傾既感覺我開始習慣左,
冇計LA...始終我又唔係女仔,如果係,依家都大把人關心我LU...XD

有時候我真係好羨慕D女仔,
開心就有人陪佢開心,失意果時就有人陪佢傾訢
拍拖就有人祝福,失戀總有人會支持
而做男仔既,開心,唔開心,得意,失意,快樂,傷心..
總係對住一個又一個好友講句心照就算,
講得多,都會懷疑呢個人係咪真係明白呢?

今日睇左一套舊片叫做"爛賭夫鬥爛賭妻"
一開始男女主角大家都係機緣巧合之下結婚,
佢地都冇咩感情係入面,雖然最後受唔住誘惑而講離婚,
但係去到最後就係因為個女,因為自己發現原來仲愛住佢既另一半而唔離婚

不過電影帶出黎既都只係好既一面,因為要乎合Happy Ending比觀眾佢地先受落
現實,往往都唔係好似電影咁好咁美麗,
我相信如果係現實既話,男女主角最終都係離婚,
男主角係基於唔敢講唔想離婚,而女主角就愛上佢果邊第三者帶比佢既感覺

睇完套影,我個心突然間諗起好多事,雖然套片叫人唔好沉迷賭博
但係我諗既都係我前度,自己話就話開始走出呢個陰影,不過我知道我只係將呢個感覺收收埋埋,
哈,如果我都好似我個fd佢咁得閒,鐘意就去飲酒就好lo...

開始自己都好似有小小酒癮,隻手太耐冇飲所以有dd手振,
當然la,自己成日都冇咩都好好地安心咁訓,個腎唔有事至奇
anyway,食枝解傷煙都唔錯既選擇既...xd

今朝訓覺果時見到我一個有段時間冇見既朋友,唔知點解見到我同佢拖手,
個心情仲好舒暢,不過我知道係冇可能嫁la..所以我都係一笑了之

之後搭車返工,我發現我銀包冇銀加百通冇$,今次大件事la,都唔知問邊個借,
唉...總之大件事la..依家頭都痛埋,唉...好想食支煙添依家~.~
仲有15日,都唔知點捱好=.=

仲有9日,我就要從北角撇出,雖然呢個係一個唔好既回憶,
但事實反映住我都仲未太識得打理屋企家頭細務,
um..自己一定要修行一番先得!

如果時間有得返轉頭,我寧願選擇唔原諒你,起碼...你會比依家幸福,起碼...我唔會再帶住後悔同難過